جالعان ەلشىلىك اشقان ادام قاماۋعا الىندى

استانا. KAZINFORM - ءۇندىستان پوليتسياسى جالعان ەلشىلىك اشۋدا ايىپتالعان ەر ادامدى ۇستادى، دەپ حابارلايدى The Guardian.

ايىپتالۋشى دەلي ماڭىنداعى جالعا الىنعان تۇرعىن ءۇيدى ەلشىلىك رەتىندە پايدالانعان دەگەن بولجام بار. كۇدىكتى ءوزىن ەلشىمىن دەپ تانىستىرعان جانە ادامدارعا شەتەلدە جۇمىسقا ورنالاستىرۋعا ۋادە بەرىپ، اقشا العان. پوليتسيانىڭ مالىمەتىنشە، ايىپتالۋشى - 47 جاستاعى حارشۆاردحان دجەين(harshvardhan Jain) - Seborga ۆا Westarctica-دا (باتىس اركتيكاكاداعى ۆيرتۋلدى مەملەكەتتەر) كەڭەسشى نەمەسە ەلشى بولىپ جۇمىس ىستەيتىنىن ايتقان.

پوليتسيا جالعان ەلشىلىك عيماراتىنىڭ ىشىنەن دجەيننىڭ الەم كوشباسشىلارىمەن تۇسكەن كوپتەگەن فوتوسۋرەتتەرىن، سونداي-اق ءۇندىستان سىرتقى ىستەر مينيسترلىگى مەن 30 عا جۋىق باسقا ەلدەردىڭ جالعان مورلەرىن تاپتى. ايىپتالۋشىعا تيەسىلى جالعان ديپلوماتيالىق ءنومىرلى كولىكتەر مەن باسقا دا زاتتار تاركىلەندى. ولاردىڭ ىشىندە 4,5 ميلليون رۋپي (51,5 ا ق ش دوللارى) قولما-قول اقشا، 4 اۆتوكولىك جانە باسقا ەلدەردىڭ ۆاليۋتالارى بار.

دجەين سونىمەن قاتار شەتەلدە جالعان كومپانيالاردى باسقاردى دەگەن كۇدىككە ىلىنگەن. اتاپ ايتقاندا، ول جالعان قۇجات جاساۋ، ءوزىن باسقا ادام رەتىندە كورسەتۋ جانە جالعان قۇجات ساقتاۋ ءۇشىن كىنالى دەپ تانىلدى.

ەسكە سالا كەتەيىك، ءۇندىستاندىق ايەل مۇگەدەك كۇيەۋىن ارقالاپ، جاياۋ 150 شاقىرىم جولدى ەڭسەردى.