جالعان استىقتى ساقتاعانى ءۇشىن 95 ميلليون تەڭگە العان ديرەكتور 8 جىلعا سوتتالدى

استانا. KAZINFORM - استانا قالاسىنىڭ قىلمىستىق ىستەر جونىندەگى اۋدانارالىق سوتىندا مەملەكەتتىك فۋنكسيالاردى ورىنداۋعا تەڭەستىرىلگەن ادامنىڭ قىزمەت بابىن پايدالانا وتىرىپ، وزىنە سەنىپ تاپسىرىلعان بوتەننىڭ مۇلكىن اسا ىرى مولشەردە، بىرنەشە رەت جىمقىرۋ سونداي-اق سالعىرتتىق، ياعني قىزمەتىنە ادال قاراماۋى سالدارىنان اۋىر زارداپتارعا اكەپ سوققان قىلمىستىق ارەكەتى ءۇشىن ءىستى بولعان ج ش س وكىلدىگىنىڭ ديرەكتورىنا قاتىستى ۇكىم شىقتى.

«سوتتالۋشى ج. ، اكسيونەرلىك قوعامنىڭ قۇرىلىمدىق بولىمشەسىنە تيەسىلى «ا. » ج ش س وكىلدىگىنىڭ ديرەكتورى بولا تۇرا، ارەكەت ەتۋشى كەلىسىمشارتتاردى ءبىلىپ، استىق قابىلداۋ كاسىپورنى مەن استىق يەسىنىڭ اراسىندا استىقتى ساقتاۋعا ءوز بەتىنشە جاريا شارتتار جاساعان. وسىلايشا ول 2021 -جىلدىڭ تامىز ايىندا «№. بازا» مەكەمەسىنىڭ ديرەكتورى بولا تۇرا، ءىس جۇزىندە استىقتى قابىلداماي، تاۋار-ترانسپورتتىق جۇكقۇجاتقا «№ بازاسىنا» 3 ج ش س مەن شارۋا قوجالىقتاردان 101,7 ميلليون تەڭگەگە 891415 ك گ. بيداي استىعى ولشەنىپ، ساقتاۋعا قابىلداندى دەپ كورىنەۋ جالعان مالىمەتتەردى ەنگىزگەن»، - دەلىنگەن سوتتىڭ حابارلاماسىندا.

سونداي-اق ج. ، اتالعان ج ش س ديرەكتورلارىنان جالعان كورسەتىلگەن استىق كولەمىن وتكىزۋدى تالاپ ەتىپ، ناتيجەسىندە 3 ج ش س جانە شارۋا قوجالىقتارىنىڭ ديرەكتورلارىنان جالپى سوماسى 95 ميلليون تەڭگە العان.

ودان بولەك، ج. 2021 -جىلدىڭ قازان ايىنان باستاپ 2023 -جىلدىڭ قاڭتار ايىنا دەيىنگى ارالىقتا «№. بازاسىنىڭ» ديرەكتورى قىزمەتىن اتقارا وتىرىپ، «س. » ج ش س-نەن 58,5 ميلليون تەڭگەنىڭ 474468 ك گ استىقتى جالعان تۇردە ساقتاۋعا قابىلداپ، ول ءۇشىن 35 ميلليون تەڭگە قولما-قول اقشا قاراجاتىن العان.

«ءارى قاراي، 2022 -جىلعى قىركۇيەكتەن جەلتوقسانعا دەيىنگى كەزەڭدە «№. بازاسىندا» ەليەۆاتوردىڭ ءداندى داقىلدارمەن تولىق تولتىرىلۋىنا بايلانىستى استىقتى ساقتاۋعا مۇمكىندىگى بولماعان. وسىعان قاراماستان سوتتالۋشىنىڭ نۇسقاۋىمەن استىق ۇزدىكسىز قابىلدانىپ، ناتيجەسىندە قۇنى 118,7 ميلليون تەڭگە تۇراتىن 996750 ك گ. بيداي قابىلدانىپ، جارامسىز كۇيگە تۇسكەن. اكتسيونەرلىك قوعامنىڭ قۇرىلىمدىق بولىمشەسىنە كەلتىرىلگەن زالالدىڭ مولشەرى - جالپى سوماسى 278,9 ميلليون تەڭگە بولاتىن 2362633 ك گ بيدايدى قۇراعان»، - دەپ حابارلادى استانا قالاسىنىڭ قىلمىستىق ىستەر جونىندەگى اۋدانارالىق سوتى.

سوتتالۋشىنىڭ كىناسى جابىرلەنۋشى وكىلىنىڭ، كۋالەردىڭ ايعاقتارىمەن، ساراپتاماشىلاردىڭ قورىتىندىلارىمەن، زاتتاي دالەلدەمەلەرمەن جانە قىلمىستىق ءىس بويىنشا ماتەريالدارمەن دالەلدەندى.

سوتتالۋشى كىناسىن مويىندادى، قورعاۋشى تاراپ سوتتالۋشىعا ەڭ تومەنگى جازا تاعايىنداۋدى سۇرادى.

سوت ۇكىمىمەن ج. ق ك 189-بابى 4-بولىگىنىڭ 2) تارماعىندا، 371-بابىنىڭ 2-بولىگىندە كوزدەلگەن قىلمىستىق قۇقىق بۇزۋشىلىقتاردى جاساعانى ءۇشىن كىنالى دەپ تانىلىپ، مۇلكى تاركىلەنىپ، مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋدان ءومىر بويىنا ايىرا وتىرىپ، تۇپكىلىكتى 8 جىل 5 اي مەرزىمگە باس بوستاندىعىنان ايىرۋ جازاسى تاعايىندالدى.

ۇكىم زاڭدى كۇشىنە ەنگەن جوق.