جالعان اقشا كوبەيدى: ەڭ ءجيى قولدان جاسالعانى 5000 تەڭگەلىك كۋپيۋرالار
استانا. KAZINFORM - ۇلتتىق بانك پەن ەكىنشى دەڭگەيلى بانكتەر 2025 -جىلدىڭ ءبىرىنشى جارتىجىلدىعىندا 465150 تەڭگەنىڭ 96 جالعان اقشا بەلگىسىن (93 بانكنوتا جانە 3 مونەتا) انىقتادى.
كوبىنە 5000 تەڭگەلىك نومينال قولدان جاسالعان. 85 دانا بانكنوتا جالپى تاركىلەنگەن اقشالاردىڭ %88,5- ى. ودان كەيىن 5 دانا (%5,2) - 2000 تەڭگەلىك نومينالعا، 3 دانا (%3,1) - نومينالى 10000 تەڭگەلىك بانكنوتالارعا، قالعان %3,2 - مونەتالارعا تيەسىلى.
ۇلتتىق بانك شىنايى بانكنوتالاردى قولدان جاسالعان اقشادان ءوز بەتىنشە اجىراتۋعا كومەكتەسەتىن قاراپايىم ەرەجەلەردى ەسكە سالادى.
جالعان بانكنوتالار، ادەتتە، كادىمگى وفسەتتىك قاعازعا ءتۇرلى ءتۇستى پرينتەر ارقىلى جانە كومپيۋتەرلىك تەحنيكانىڭ كومەگىمەن جاسالادى.
ميكروتەكستەر بۇلىڭعىر كەلەدى جانە ۇلعايتقان سايىن انىقتىعىن جوعالتادى.
جالعان بانكنوتادا سۋتامعى بەلگىسى جوق.
پاتچ ەلەمەنتىنىڭ كولەمدى بەينەسى جوق جانە كادىمگى بوياۋمەن باسىلعان، كۇن بەلگىسى ساۋلەسىنىڭ جان-جاققا شاشىراعان گولوگرافيالىق اسەرى مەن نومينالدىڭ سيفرلىق كەسكىنىنەن ويۋ- ورنەككە اۋىسۋ اسەرى بولمايدى.
قورعانىش ءجىبى ديناميكالىق جانە ءتۇسىن وزگەرتە الاتىن اسەردەن ادا، ءارى جارىققا توسىپ قاراعاندا تۇتاستىعى بايقالمايدى.
شىنايى بانكنوتالاردا كوزبەن قاراپ جانە قولمەن ۇستاپ انىقتاۋعا بولاتىن بىرنەشە قورعانىش بەلگىلەرى بار. ول بەلگىلەرمەن ۇلتتىق بانكتىڭ رەسمي سايتىندا تانىسۋعا بولادى.
قازاقستان ۇلتتىق بانكى بانكنوتالاردى قولدان جاساۋعا جول بەرمەۋ ءۇشىن تۇراقتى تۇردە جۇمىس جۇرگىزىپ كەلەدى جانە ازاماتتاردى قولما-قول اقشانى پايدالانعان كەزدە مۇقيات ءارى ساق بولۋعا شاقىرادى.
ەگەر شىنايى اقشا بەلگىلەرىنە ۇقساس كۇماندى بانكنوتالار كەزىگەتىن بولسا، دەرەۋ قۇقىق قورعاۋ ورگاندارىنا جۇگىنگەن ءجون.
ايتا كەتەلىك وتكەن جىلى اينالىمنان 80 ميلليون تەڭگەدەن استام جالعان اقشا الىنعان.
