جالعان 1400 دوللاردى بانكوماتتا ايىرباستاعان ادامدار ۇستالدى

تاشكەنت. KAZINFORM - الاياقتاردىڭ 50 دوللارلىق 28 جاساندى كۋپيۋرانى وزبەكستاننىڭ ۇلتتىق ۆاليۋتاسى - سۋمعا ايىرباستاعانى انىقتالدى، دەپ حابارلايدى ءو ر باس پروكۋراتۋراسى جانىنداعى دەپارتامەنتتىڭ باسپا ءسوز قىزمەتى.

«يپاك يۋلي» (جىبەك جولى) ا ي ك ب (اكسيونەرلىك يننوۆاتسيالىق كوممەرتسيالىق بانك) چيلونزور فيليالىنىڭ ءوتىنىشى نەگىزىندە باس پروكۋراتۋرا جانىنداعى دەپارتامەنتتىڭ تاشكەنت قالالىق باسقارماسى جۇرگىزگەن سوتقا دەيىنگى تەرگەۋدە ازاماتتار ت. ت. (بۇرىن سوتتالعان)، ن. و. جانە ا. ش. اتالعان بانك فيليالىنا تيەسىلى بانكوماتتان بارلىعى 28 دانا جالعان 50 دوللارلىق كۋپيۋرانى سۋمعا ايىرباستاعان.

وسى جاعدايعا بايلانىستى وزبەكستان قىلمىستىق كودەكسىنىڭ 176-بابى (جالعان اقشا، اكسيزدىك ماركالار نەمەسە باعالى قاعازدار جاساۋ، ولاردى وتكىزۋ) بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.

ەسكە سالا كەتەيىك، تاشكەنتتە جالعان دوللار ساتقاندار ۇستالعانى جايلى جازعان ەدىك.