جاڭعاق اعزانى ۋلى زاتتاردان تازارتادى

استانا. قازاقپارات - گرەك جاڭعاقتارى قان تامىرلارىن نىعايتىپ، اعزادان ۋلى زاتتاردى شىعارادى. اعىلشىن عالىمدارى ونى، اسىرەسە، ارتىق سالماعى بار ادامدارعا كوپ جەۋگە كەڭەس بەرەدى.

Жаңғақтар
Фото: kk.wikipedia.org

رەسەيلىك اقپارات قۇرالدارىنىڭ حابارلاۋىنشا، ۇلى بريتانيانىڭ گريففين گوسپيتالىنىڭ زەرتتەۋشىلەرى 30-75 جاس ارالىعىنداعى 46 ادامدى قاتىستىرىپ زەرتتەۋ جۇرگىزگەن.

بۇل ادامداردىڭ ءبارى ءبىر كەزدەرى شىلىم شەككەن جانە قازىر سەمىزدىككە شالدىققان.

ارالارىندا سۋسامىرمەن جانە جۇرەك-قان تامىرلارى اۋرۋىمەن اۋىراتىندار دا بار.

زەرتتەۋگە قاتىسۋشىلاردىڭ ءبىر توبى ەكى اي بويى كۇن سايىن 56 گرام جاڭعاقتان جەپ تۇرعان.

سونىڭ ناتيجەسىندە ولاردىڭ قان تامىرلارىنىڭ ىشكى قاباتى - ەندوتەليدىڭ جۇمىسى جاقسارعان.

بۇعان قوسا، ءنارلى تاماق بولعانىمەن، جاڭعاق ەرىكتىلەر سالماعىنىڭ ارتۋىنا ەش ىقپال ەتپەگەن، كەرىسىنشە، اعزادان زياندى زاتتاردى شىعارۋعا كومەكتەسكەن.

سوڭعى جاڭالىقتار