جاڭبىر، نايزاعاي، تۇمان: بۇگىن ەلىمىزدىڭ باسىم بولىگىندە اۋا رايى قانداي بولادى
«قازگيدرومەت» ر م ك- سى قىركۇيەكتىڭ 20-سى كۇنگى اۋا رايى بولجامىن جاريالادى، دەپ حابارلايدى قازاقپارات.
كاسىپورىن تاراتقان دەرەكتەرگە قاراعاندا، 20-قىركۇيەك كۇنى رەسپۋبليكامىزدىڭ باتىس ايماقتارىنا انتيسيكلون ىقپالىنىڭ اسەرىنەن كۇن جاۋىن-شاشىنسىز بولادى. ال ەلىمىزدىڭ باسقا ايماقتارىندا اتموسفەرالىق فرونتالدى بولىكتەردىڭ وتۋىنە بايلانىستى كۇن قۇبىلىپ تۇرادى، ياعني جاڭبىر جاۋىپ، نايزاعاي وينادى. ەلىمىزدىڭ وڭتۇستىك- شىعىسىندا قاتتى جاڭبىر جاۋادى، وڭتۇستىك- شىعىسىنداعى تاۋلى اۋدانداردا جاڭبىر، قار ارالاس جاڭبىر جاۋادى.
رەسپۋبليكا بويىنشا ەكپىندى جەل تۇرىپ، تۇمان تۇسەدى، تۇندە ەلىمىزدىڭ وڭتۇستىگىندە شاڭدى داۋىل تۇرادى.
قىزىلوردا وبلىسىنىڭ ورتالىعىندا، شىعىسىندا، وڭتۇستىگىندە، قاراعاندى، ۇلىتاۋ وبلىسىنىڭ وڭتۇستىگىندە توتەنشە ءورت قاۋپى ساقتالادى.
جامبىل، تۇركىستان وبلىسىنىڭ ءشولدى اۋداندارىندا، الماتى وبلىسىنىڭ سولتۇستىك جارتىسىندا جوعارى ءورت قاۋپى كۇتىلەدى.
