جاڭبىر، شاڭدى داۋىل: 24-شىلدەگە ارنالعان اۋا رايى بولجامى ۇسىنىلدى
استانا. KAZINFORM - «قازگيدرومەت» ر م ك 2025 -جىلعى 24-شىلدەگە ارنالعان اۋا رايى بولجامىن جاريالادى.
- سولتۇستىك- باتىس سيكلون جانە ونىمەن بايلانىستى اتموسفەرالىق فرونتالدى بولىكتەر ەلىمىزدىڭ باسىم بولىگىندە جاڭبىر مەن نايزاعاي اكەلەدى. باتىس پەن سولتۇستىك- باتىس وڭىرلەردە قاتتى جاڭبىر جاۋۋى مۇمكىن، كەي جەردە بۇرشاق جاۋۋى ىقتيمال. تەك ەلىمىزدىڭ وڭتۇستىگى مەن شىعىسىندا انتيسيكلون ىقپالى ساقتالىپ، جاۋىن- شاشىنسىز اۋا رايى ساقتالادى. رەسپۋبليكا بويىنشا جەلدىڭ كۇشەيۋى كۇتىلەدى، ال باتىس پەن وڭتۇستىكتە شاڭدى داۋىل سوعۋى مۇمكىن، - دەلىنگەن حابارلامادا.
ماڭعىستاۋ وبلىسىندا كۇندىز 38- 39 گرادۋس اپتاپ ىستىق بولادى. جەتىسۋ جانە الماتى وبلىستارىندا 35- 37 گرادۋس، جامبىلدا 38 گرادۋس، تۇركىستاندا 40- 42 گرادۋس، قىزىلوردادا 40- 43 گرادۋس، ۇلىتاۋدا 35- 39 گرادۋس، قاراعاندىدا 35 گرادۋسقا دەيىن قاتتى ىستىق كۇتىلەدى. سونداي-اق اتىراۋ وبلىسىنىڭ باتىسىندا، قوستاناي مەن اقتوبە وبلىستارىنىڭ وڭتۇستىگىندە دە 35 گرادۋسقا دەيىن ىستىق بولادى.
ءورت قاۋپى جوعارى ايماقتار
شىعىس قازاقستان، اباي وبلىستارىندا، قوستاناي وبلىسىنىڭ باتىسى مەن شىعىسىندا، قاراعاندى وبلىسىنىڭ سولتۇستىگى مەن ورتالىعىندا، اتىراۋ وبلىسىنىڭ باتىسى مەن وڭتۇستىگىندە، اقمولا وبلىسىنىڭ شىعىسى مەن وڭتۇستىگىندە، پاۆلودار وبلىسىنىڭ باتىسى، شىعىسى جانە وڭتۇستىگىندە جوعارى ءورت قاۋپى ساقتالادى.
ال ماڭعىستاۋ، قىزىلوردا، تۇركىستان، الماتى، جامبىل، جەتىسۋ، ۇلىتاۋ وبلىستارىندا، سونداي-اق اتىراۋ وبلىسىنىڭ سولتۇستىگى مەن وڭتۇستىگىندە، قاراعاندى وبلىسىنىڭ باتىسى، وڭتۇستىگى جانە شىعىسىندا، اقتوبە وبلىسىنىڭ ورتالىعى مەن وڭتۇستىگىندە، باتىس قازاقستان وبلىسىنىڭ شىعىسىندا، قوستاناي وبلىسىنىڭ وڭتۇستىگىندە جانە اباي وبلىسىنىڭ وڭتۇستىگى مەن سولتۇستىك- باتىسىندا توتەنشە ءورت قاۋپى بولجانىپ وتىر.
