جاڭبىر، بۇرشاق جاۋادى: 28-شىلدەگە ارنالعان اۋا رايى بولجامى

استانا. KAZINFORM - «قازگيدرومەت» 28-شىلدە، دۇيسەنبىگە ارنالعان اۋا رايى بولجامىن جاريالادى.

سينوپتيكتەردىڭ بولجامى بويىنشا، قازاقستاننىڭ ءبىرقاتار ايماعىندا نايزاعاي وينايدى، ءورت قاۋپى جوعارى بولادى.

ەلدىڭ سولتۇستىگىندە نوسەر جاڭبىر جاۋادى، كەي ايماقتاردا داۋىل بولىپ، بۇرشاق ءتۇسۋى مۇمكىن. تەك قازاقستاننىڭ وڭتۇستىك- باتىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەل كۇشەيەدى، وڭتۇستىكتە شاڭدى داۋىل سوعادى. سولتۇستىكتە تۇنگى جانە تاڭعى ۋاقىتتا تۇمان تۇسەدى.

كۇندىز جەتىسۋ، اباي وبلىستارىندا، سونداي-اق جامبىل، الماتى جانە شىعىس قازاقستان وڭىرلەرىندە اپتاپ ىستىق - 35+…38+ گراۋدس.

جەتىسۋ وبلىسىنىڭ سولتۇستىك- باتىسى مەن ورتالىعىندا، اباي وبلىسىنىڭ وڭتۇستىگىندە، سونداي-اق الماتى وبلىسىنىڭ باتىسى مەن سولتۇستىگىندە اپتاپ ىستىق بولادى. بۇل وڭىرلەردە تەرمومەتر 41+…42+ گرادۋسقا دەيىن كوتەرىلەدى.