جاڭا وقۋ جىلىندا 370 مىڭنان استام بالا 1-سىنىپقا قابىلدانادى
استانا. KAZINFORM - قۇجاتتاردى ءبىرىنشى سىنىپقا قابىلداۋ 2025 -جىلدىڭ 1- ساۋىرىنەن 31-تامىزىنا دەيىن جالعاسادى. جاڭا وقۋ جىلىندا 370 مىڭنان استام قازاقستاندىق بالا مەكتەپ تابالدىرىعىن اتتايدى دەپ جوسپارلانعان.
ق ر وقۋ-اعارتۋ مينيسترلىگى ورتا ءبىلىم كوميتەتىنىڭ اقپاراتى بويىنشا، ق ر «ءبىلىم تۋرالى» زاڭىنا سايكەس، ءبىرىنشى سىنىپقا 6 جاستان باستاپ اتا-انالاردىڭ ءوتىنىشى بويىنشا قابىلدانادى. قۇجاتتاردى eGov mobile قوسىمشاسى مەن ەلەكتروندى ۇكىمەت پورتالى ارقىلى، سونداي-اق قاعاز تۇرىندە - تىكەلەي مەكتەپتەردە تاپسىرۋعا بولادى. ول ءۇشىن بارلىق مەكتەپتە قابىلداۋ كوميسسيالارى جۇمىس ىستەيدى.
ق ر «ۇلتتىق اقپاراتتىق تەحنولوگيالار» ا ق- نىڭ مالىمەتىنشە، بيىل eGov پورتالىندا قۇجات تاپسىرۋ ءراسىمى جەڭىلدەتىلگەن.
ەندى اتا-انالارعا مەديتسينالىق انىقتامالاردى قولمەن جۇكتەۋدىڭ قاجەتى جوق - «بالا دەنساۋلىعى پاسپورتى» مەن «پروفيلاكتيكالىق ەكپە كارتاسىنداعى» مالىمەتتەر اۆتوماتتى تۇردە الىنادى. ەگەر مەديتسينالىق انىقتامالار جۇيەدە بولماسا، ولاردىڭ سكان-كوشىرمەلەرىن جۇكتەۋگە بولادى. سونداي-اق، ءوتىنىشتىڭ مارتەبەسىن قاراۋ جانە ونى ءبىر باتىرمامەن كەرى قايتارۋ مۇمكىندىگى قاراستىرىلعان.
ايتا كەتەيىك، وتىنىشتەر مەرەكە جانە دەمالىس كۇندەرىن قوسپاعاندا دۇيسەنبىدەن جۇماعا دەيىن قابىلدانادى. سۇرانىس جىبەرىلگەننەن كەيىن ءوتىنىشتى قاراۋ مەرزىمى - 1 جۇمىس كۇنى.
وتكەن جىلى ەلىمىزدە 1-سىنىپقا 336000-نان استام وقۋشى قابىلداندى.
