جاڭا وقۋ جىلى قارساڭىندا جارتى ميلليون وقۋشىعا كومەك كورسەتىلەدى
2025- 2026 وقۋ جىلىنىڭ قارساڭىندا ەلىمىزدە «جالپىعا بىردەي ءبىلىم بەرۋ» قورى اياسىندا وقۋشىلاردى مەكتەپكە دايىنداۋ جۇمىستارى جۇرگىزىلىپ جاتىر. بيىل 500 مىڭنان استام بالاعا قولداۋ كورسەتىلمەك. بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتى حابارلادى.
قور ءداستۇرلى تۇردە جەتىم، اتا- انا قامقورلىعىنسىز قالعان بالالارعا، از قامتىلعان جانە اتاۋلى الەۋمەتتىك كومەك الاتىن وتباسى بالالارىنا كومەك بەرەدى. سونىمەن قاتار، ومىرلىك قيىن جاعدايعا تاپ بولعان بالالار دا نازاردان تىس قالمايدى.
كومەك اتا-انالاردىڭ ەسەپشوتتارىنا اۋدارىلادى، بۇل ولارعا مەكتەپ فورماسىن، اياق كيىم جانە كەڭسە تاۋارلارىن وزدىگىنەن تاڭداۋعا مۇمكىندىك بەرەدى. 2025 -جىلى ءبىر بالاعا بەرىلەتىن ەڭ تومەنگى سوما كولەمى - 46228 تەڭگە.
- وقۋ-اعارتۋ مينيسترلىگى الەۋمەتتىك وسال ساناتتاعى بالالارعا كومەك كورسەتۋ بويىنشا اشىق ءارى ىڭعايلى تەتىك قالىپتاستىردى. بۇل قولداۋ شاراسى بۇگىندە بارلىق وڭىردە ىسكە اسىرىلىپ جاتىر، - دەپ اتاپ ءوتتى وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
«جالپىعا بىردەي ءبىلىم بەرۋ» قورى جىل سايىن مىڭداعان بالانىڭ وقۋ جىلىنا دايىندالۋىنا جاعداي جاساپ كەلەدى. بيىل بۇل ماقساتقا وتكەن جىلعىداي كولەمدە قارجى قاراستىرىلعان.
ايتا كەتەلىك باتىس قازاقستاندا ءبىرىنشى سىنىپقا 12 مىڭعا جۋىق وقۋشى قابىلداناتىنى تۋرالى جازعان ەدىك.
