جاڭا قارجى ءمينيسترى جالاقىسىن ايتتى

قارجى ءمينيسترى ءمادي تاكيەۆ جالاقىسى قانشا ەكەنىن ايتتى، - دەپ حابارلايدى Massaget.kz ءتىلشىسى.

شەنەۋنىكتىڭ سوزىنشە، ول 1,5 ميلليونعا جۋىقتايدى.

«مەن جالاقىم قانشا ەكەنىن ءبىلدىم. بىزدە بارلىق مەملەكەتتىك قىزمەتكەر ءۇشىن ءبىرىڭعاي سەتكا بار. سوندىقتان مەن وسى سەتكا بويىنشا جالاقى الاتىن بولامىن. ءسىزدىڭ سۇراعىڭىز بويىنشا 1 ميلليون تەڭگەدەن اسادى، شامامەن 1,5 ميلليون تەڭگە الامىن. مۇندا مەنىڭ ەڭبەك ءوتىلىم ەسكەرىلەدى»، - دەدى ءمادي تاكيەۆ ءماجىلىستىڭ جالپى وتىرىسىنان سوڭ.

ەسكە سالايىق، تاكيەۆ 6- اقپاندا تاعايىندالدى.

ول 1978-جىلى 1- ساۋىردە الماتى وبلىسى بالقاش اۋدانى باقاناس اۋىلىندا دۇنيەگە كەلگەن. مينيستر بولعانعا دەيىن 2023-جىلعى ناۋرىزدان باستاپ VII سايلانعان ق ر پارلامەنتى ءماجىلىسىنىڭ دەپۋتاتى، ق ر پارلامەنتى ءماجىلىسىنىڭ قارجى جانە بيۋجەت كوميتەتىنىڭ ءتوراعاسى، ق ر پارلامەنتى ماجىلىسىندەگى Amanat پارتياسى فراكسياسىنىڭ مۇشەسى قىزمەتىن اتقاردى.