جاڭا مۇناي وڭدەۋ زاۋىتىن سالۋ: تۇپكىلىكتى شەشىمگە نە اسەر ەتەدى
استانا. KAZINFORM - ەنەرگەتيكا مينيسترلىگى ەلىمىزدە ءتورتىنشى مۇناي وڭدەۋ زاۋىتىن (م ءو ز) سالۋ كەزىندە ءبىرىنشى كەزەكتە قانداي ماسەلەلەر نازارعا الىناتىنىن ءتۇسىندىردى.

- بۇل رەتتە م ءو ز قۇرىلىسى مەن ورنالاسقان جەرى بويىنشا تۇپكىلىكتى شەشىمگە ەلەكتروموبيلدەر مەن ەلەكتر ەنەرگياسىمەن جۇرەتىن قوعامدىق كولىكتەردىڭ ارتۋى، ەنەرگيا رەسۋرستارىن تۇتىنۋ قارقىنى جانە قازاقستاننىڭ ەكسپورتتىق مۇمكىندىكتەرى اسەر ەتەتىن بولادى، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.
اتاپ ايتقاندا، مۇناي وڭدەۋ زاۋىتىنىڭ قۇرىلىسىنا قاتىستى تەحنيكالىق- ەكونوميكالىق نەگىزدەمەنى جانە جوبالاۋ- سمەتالىق قۇجاتتامانى ازىرلەۋ جونىندەگى شەشىم 2030 -جىلدان كەشىكتىرمەي قابىلدانادى.
- م ءو ز سالۋعا الدىن الا قاراستىرىلىپ وتىرعان الاڭ - باتىس قازاقستان، - دەپ ناقتىلادى ۆەدومستۆو.
بۇل تۇرعىدا اتالعان زاۋىت كەمىندە 10 ميلليون توننا مۇناي وندىرەتىن دەڭگەيدە بولادى.
ەسكە سالساق، قازاقستان رەسپۋبليكاسىنىڭ مۇناي وڭدەۋ سالاسىن دامىتۋدىڭ 2024-2040 -جىلدارعا ارنالعان تۇجىرىمداماسىنىڭ جوباسىندا مۇناي وڭدەۋ قۋاتتارىن كەڭەيتۋ جوبالارى كوزدەلگەن.
وسى ورايدا شىمكەنت م ءو ز جىلىنا 6 ميلليوننان 12 ميلليون تونناعا دەيىن، پاۆلودار محز جىلىنا 5,5 ميلليوننان 8 ميلليون تونناعا دەيىن، اتىراۋ م ءو ز جىلىنا 5,5 ميلليوننان 6,7 ميلليون تونناعا دەيىن ءونىم ءوندىرۋ دەڭگەيىنە جەتكىزىلمەك.
اۆتور
رۋسلان عابباسوۆ