جاڭا ۇلتتىق ەكونوميكا ءمينيسترى تاعايىندالدى

استانا. KAZINFORM — سەرىك جۇمانعارين ۇلتتىق ەكونوميكا ءمينيسترى اتاندى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

— مەملەكەت باسشىسىنىڭ جارلىعىمەن سەرىك ماقاش ۇلى جۇمانعارين قازاقستان رەسپۋبليكاسى پرەمەر- ءمينيسترىنىڭ ورىنباسارى — ۇلتتىق ەكونوميكا ءمينيسترى بولىپ تاعايىندالدى ول بۇرىنعى اتقارعان لاۋازىمىنان بوساتىلدى، — دەلىنگەن حابارلامادا.

سەرىك ماقاش ۇلى جۇمانعارين 1969-جىلى اقتوبە قالاسىندا دۇنيەگە كەلگەن.

ماسكەۋ لەنين وردەندى جانە وكتيابر ريەۆوليۋتسياسى وردەندى ەنەرگەتيكالىق ينتيتۋتىن، ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن، حالىقارالىق بيزنەس اكادەمياسىن ءتامامداعان.

1993-2004-جىلدارى كاسىپكەرلىكپەن اينالىسقان.

2005-2006-جىلدارى — اقتوبە قالاسىنىڭ ەكونوميكا جانە بيۋدجەتتىك جوسپارلاۋ ءبولىمى باستىعىنىڭ ورىنباسارى؛ اقتوبە قالاسى كاسىپكەرلىك ءبولىمىنىڭ باستىعى.

2006-2007-جىلدارى — ق ر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا باسقارماسى باستىعىنىڭ ورىنباسارى.

2007-2008 -جىلدارى — ق ر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا باسقارماسىنىڭ باستىعى؛ ق ر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا دەپارتامەنتىنىڭ ديرەكتورى.

2008-2010-جىلدارى — ق ر يندۋستريا جانە ساۋدا مينيسترلىگى ساۋدا كوميتەتى ءتوراعاسىنىڭ ورىنباسارى، ساۋدانى دامىتۋ دەپارتامەنتىنىڭ ديرەكتورى؛ «قازاقستاندىق كەلىسىم-شارت اگەنتتىگى» ا ق باسقارما ءتوراعاسىنىڭ ورىنباسارى.

2010-2011-جىلدارى — «NadLoc» جەرگىلىكتى قامتۋدى دامىتۋ ۇلتتىق اگەنتتىگى» ا ق باسقارما ءتوراعاسىنىڭ ورىنباسارى، ءبىرىنشى ورىنباسارى.

2012-2013-جىلدارى — ق ر ەكونوميكالىق دامۋ جانە ساۋدا مينيسترلىگى وڭىرلىك ساياسات جانە بيۋدجەتارالىق قاتىناستار دەپارتامەنتىنىڭ ديرەكتورى؛ ق ر ەكونوميكالىق دامۋ جانە ساۋدا مينيسترلىگى وڭىرلىك دامۋ كوميتەتىنىڭ ءتوراعاسى.

2013-2014-جىلدارى — ق ر وڭىرلىك دامۋ ۆيتسە-ءمينيسترى.

2014-2017-جىلدارى — ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ءتوراعاسى.

2017-2019-جىلدارى — ق ر ۇلتتىق ەكونوميكا ۆيتسە-ءمينيسترى.

2019-2020-جىلدارى — ەۋرازيالىق ەكونوميكالىق كوميسسيانىڭ باسەكەلەستىك جانە مونوپولياعا قارسى رەتتەۋ جونىندەگى القا مۇشەسى (مينيستر).

2020-2022-جىلدارى — باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى.

2022-2023-جىلدارى — ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى.

2023-جىلعى 2-قىركۇيەكتە قازاقستان رەسپۋبليكاسى پرەزيدەنتىنىڭ جارلىعىمەن ق ر پرەمەر-ءمينيسترىنىڭ ورىنباسارى بولىپ تاعايىندالدى.

2024-جىلعى 6-اقپاندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر- ءمينيسترىنىڭ ورىنباسارى بولىپ تاعايىندالدى.

ءوزىنىڭ لاۋازىمدىق مىندەتتەرى اياسىندا كەلەسى ماسەلەلەردى ۇيلەستىرەدى:

● ساۋدا ساياساتى؛

● اگروونەركاسىپ كەشەنى؛

● جەر قاتىناستارى؛

● ە ا ە و جانە دسۇ اياسىنداعى ىنتىماقتاستىق.

ەسكە سالساق، وسىعان دەيىن نۇرلان سەرىك ۇلى بايبازاروۆ قازاقستان رەسپۋبليكاسى پرەمەر-ءمينيسترىنىڭ ورىنباسارى — ۇلتتىق ەكونوميكا ءمينيسترى لاۋازىمىنان بوساتىلعانى حابارلاندى.