جاڭا ۇلتتىق جوبا 40 ميلليارد دوللاردى قاجەت ەتۋى مۇمكىن - ولجاس قۇدايبەرگەنوۆ
استانا. KAZINFORM - CSI كونسالتينگتىك كومپانياسىنىڭ اعا سەرىكتەسى، ەكونوميست ولجاس قۇدايبەرگەنوۆ پرەزيدەنتتىڭ قازاقستان حالقىنا جولداۋىندا ايتقان جاڭا ۇلتتىق جوبانىڭ قانشا تۇراتىنىن ايتتى.
ونىڭ ايتۋىنشا، ج ە و مەن ەلدىڭ كوممۋنالدىق نىساندارىن جاڭعىرتۋ شامامەن 40 ميلليارد دوللاردى قاجەت ەتۋى مۇمكىن.
ولجاس قۇدايبەرگەنوۆ ەنەرگيا سەكتورىن جاڭارتۋ يدەياسى مەملەكەت باسشىسىنىڭ بيىلعى جولداۋىنداعى باستى ەكونوميكالىق شارا ەكەنىن اتادى. ونىڭ ايتۋىنشا، قازاقستاننىڭ ەنەرگەتيكالىق جانە كوممۋنالدىق ينفراقۇرىلىمى ابدەن توزعان، سوندىقتان دا اپاتتاردىڭ قايتالانۋ قاۋپى بار. وسىعان وراي ۇكىمەت جىل سوڭىنا دەيىن الداعى بەس جىلعا ارنالعان ۇلتتىق جوبانى ازىرلەپ، بەكىتۋى كەرەك.
«جاڭعىرتۋعا ارنالعان ينۆەستيتسيالار» شەڭبەرىندە ۇزاق مەرزىمدى تاريف بولادى، بۇل بارلىق جوبالاردى ينۆەستورلار مەن كرەديتورلار ءۇشىن قىزىقتى ەتۋگە مۇمكىندىك بەرەدى. جالپى، ءبىزدىڭ ەسەپتەۋىمىز بويىنشا بۇكىل سەكتوردى جاڭعىرتۋعا شامامەن 40 ميلليارد دوللار قاجەت، ءبىراق تۇپكىلىكتى كورسەتكىشتى ۇلتتىق جوبا ايقىندايدى»، - دەيدى ول.
ساراپشى اتاپ وتكەندەي، قازىرگى پرەمەر- مينيستر ولجاس بەكتەنوۆ قازاقستاندىق تۇتىنۋشىلىقتى جاقتايدى، سوندىقتان بۇل وتاندىق وندىرۋشىلەردىڭ دامۋىنا اسەر ەتۋى مۇمكىن. مۇنداي جاعداي ءوز كەزەگىندە حالىقتىڭ جۇمىسپەن قامتىلۋىنا جانە ەكونوميكالىق وسۋگە سەپتىگىن تيگىزەدى.
ەكونوميست پرەزيدەنتتىڭ ەكىنشى ماڭىزدى تاپسىرماسى رەتىندە ۇنەمدەۋ تۇرعىسىنان ماڭىزدىلىعى بويىنشا اقشا-نەسيە ساياساتىن بانكتەر ناقتى سەكتوردى نەسيەلەندىرۋگە بەلسەندى قاتىساتىنداي ەتىپ تەڭەستىرۋدى اتادى.
«قازىر ونەركاسىپكە بەرىلگەن نەسيەلەر كولەمى ج ءى و- ءنىڭ %5 دان تومەن، بۇل وتە از. بانكتەر كوپ نارسە ىستەي الادى، ءبىراق مۇندا بانكتەردىڭ قىزىعۋشىلىعىن ارتتىرۋ ءۇشىن پرۋدەنتسيالدىق رەتتەۋدى وزگەرتۋ قاجەت»، - دەدى ول.
سونداي-اق ساراپشى سالىق سالاسىن رەفورمالاۋ جونىندەگى باستاماعا دا توقتالدى. جاڭا كودەكس كەلەسى جىلى قابىلدانادى جانە ول قوعامدىق داۋلار مەن بەلگىلى ءبىر وزگەرىستەردىڭ تاقىرىبىنا اينالادى. بۇل تۇرعىدا قازاقستاندا وڭايلاتۋدان قورىقپاۋ كەرەك جانە نەعۇرلىم باتىل شەشىمدەر قابىلداۋ قاجەت دەپ ەسەپتەيدى.
«2013 -جىلى مەن ءبىرىنشى رەت بولشەك سالىقتى ەنگىزۋدى باستادىم. التى جىل بويى قارسىلاسىپ كەلىپ، اتالعان يدەيا تەك 2019 -جىلى قولداۋ تاپتى. الايدا، سالىق ديزاينى بۇرمالاندى، تەك 2023 -جىلعا قاراي بولشەك سالىق مەن ۇسىنعان قۇرىلىمعا جاقىن بولدى. ەندى بولشەك سالىقتى تەك حالىققا قىزمەت كورسەتەتىن بيزنەس تۇرلەرىنە شوعىرلاندىرعان دۇرىس. بۇل رەتتە كىرىستەر بويىنشا جوعارعى شەكتى الىپ تاستاۋ كەرەك»، - دەدى ول.
ءوز كەزەگىندە، مەملەكەتتىك باسقارۋ ساپاسىن تۇبەگەيلى جاقسارتۋ بيۋروكراتيانىڭ قىسقارۋىنا جانە شەشىم قابىلداۋدا مەملەكەتتىك قىزمەتشىلەردىڭ دەربەستىگىنىڭ ارتۋىنا اكەلۋى مۇمكىن.
«قالعان باستامالار دا قىزىقتى، ولار سالالىق نەمەسە الەۋمەتتىك سيپاتتا. وسى باستامالاردىڭ بارلىعى ىسكە اسىرىلادى دەپ ۇمىتتەنەمىن. دۇرىس جانە ۋاقتىلى ىسكە اسىرىلعان جاعدايدا بۇل شارالار الداعى 5 جىلدا ناقتى ەكونوميكالىق ءوسىمنىڭ %2- دان %6 عا دەيىنگى قولدا بار قارقىنىنا قوسىمشا مۇمكىندىك بەرە الادى»، - دەدى ساراپشى.
