جاڭا جىلدا قانداي كينو كورۋگە بولادى
استانا. KAZINFORM -جاڭا جىل مەرەكەسى قارساڭىندا وتباسىمەن بىرگە كينوتەاترعا بارىپ تاماشالايتىن فيلمدەرگە شولۋ جاساعان ەدىك.
جاڭا جىل قارساڭىندا Kinopark ،Kinoplexx ،Chaplin ،Cinemax سياقتى قازاقستاندىق كينوتەاترلار جەلىسى كورەرمەندەردى الۋان ءتۇرلى فيلمدەرمەن قۋانتقالى وتىر. كينو تۋىندىلاردى ءار كورەرمەن جاسىنا جانە الەۋمەتتىك مارتەبەسىنە قاراماستان تاماشالاي الادى.
جەلتوقسان مەن قاڭتار ايىنىڭ باسىندا كينوتەاتردان قانداي فيلمدەردى تاماشالاۋعا بولادى
بالالار ءۇشىن كينوتەاترلاردا وكەانيانىڭ قاۋىپتى تولقىنىن زەرتتەۋگە باراتىن كوسەم قىزىنىڭ اڭگىمەسىنىڭ جالعاسى «موانا 2» انيماتسيالىق فيلمى ءوتىپ جاتىر. مۋلتفيلم قازاق جانە ورىس تىلىندە ۇسىنىلعان. Disney ستۋدياسىنىڭ كەزەكتى قازاق تىلىندەگى انيماتسيالىق فيلمىنىڭ جابىق كورسەتىلىمىنە بارعان ەدىك.
سونىمەن قاتار Disney ستۋدياسىنىڭ تاعى ءبىر تۋىندىسى «مۋفاسا: ارىستان پاتشا» شىتىرمان وقيعالى ميۋزيكلى ءۇش نۇسقادا ۇسىنىلعان. قازاق جانە ورىس تىلىندە جانە ءتۇپنۇسقا داۋىسپەن كورۋگە بولادى.
تاعى ءبىر بەلگىلى فرانشيزانىڭ جالعاسى - «Sonic 3 كينودا». قازاقستاندىق كينوتەاترلاردا كورسەتىلىم 26 -جەلتوقساندا باستالدى. دوكتور روبوتنيكتىڭ رولىنە تەڭدەسى جوق ءارتىس دجيم كەرري قايتا ورالدى.
وتباسىمەن بىرگە بارىپ تاماشالاۋعا تانىمال وتاندىق پروديۋسەرلەر نۇرلان قويانبايەۆ «Qazaq Alemi» جانە گۇلنۇر ماماساريپوۆانىڭ «كەلىنجان 3» كارتيناسى كورەرمەندەرگە جول تارتادى.
«Qazaq Alemi» پاتريوتتىق كارتيناسى ەكى دوس تۋرالى باياندايدى، ولاردىڭ ءبىرى ۇناتقان قىزىنا ۇيلەنۋدى ارماندايدى. ءبىراق ول ءۇشىن «بيزنەس پو- كازاحسكي» فرانشيزاسى اۆتورىنىڭ ۆيدەوگرافى بولۋى ءتيىس.
«كەلىنجان» فرانشيزاسى بويىنشا كۇلىمحان اپايدىڭ وتباسىنىڭ كوڭىلدى شىتىرمان وقيعالارىن كورەرمەندەر الدىمەن تەلەحيكايا فورماتىندا، ال سوڭعى جىلدارى تولىق مەتراجدى كارتينادان تاماشالاي الادى.
Tiger Films- ءتىڭ تاعى ءبىر تانىمال قازاقستاندىق فرانشيزاسى سۇيىكتى كەيىپكەرلەرىن ۇلكەن ەكرانعا قايتارىپ جاتىر. بۇل جولى بايتەمىردىڭ وتباسىن ەكزوتيكالىق ارالعا جىبەرەدى. وسىلايشا «بيشاراشكي تايلاندتا» فيلمى 26 -جەلتوقساننان باستاپ بارلىق كينوتەاتردا كورەرمەندەرگە جول تارتتى.
ەرەكشە اسەر العاندى ۇناتاتىن جاندارعا Tiger Films پروديۋسەرلىك كومپانياسىنىڭ «انەل» جانە «كادەت» قورقىنىشتى سەانستارىنا بارۋعا كەڭەس بەرەمىز.
«كادەت» پوست-حورروردى توكيودا وتكەن حالىقارالىق كينوفەستيۆال جوعارى باعالادى. ال 2025-جىلدىڭ 2-قاڭتارىن باستاپ قازاقستان كينوتەاترلارىندا كورسەتىلەدى. ونىڭ ورتاسىندا اناسى مەن بالاسى بولادى. ءرولدى اننا ستارچەنكو، ءشارىپ سەرىك، الەكسەي شەمەس، باۋىرجان قاپتاعاي تاعى باسقا تانىمال ارتىستەر سومداعان.
ەگەر كورەرمەنگە جانعا باتاتىن ەرەكشە تاقىرىپتاعى كارتينالار ۇناسا، بايان الاگوزوۆانىڭ «جاۋاپ بەر» الەۋمەتتىك دراماسىن كورۋگە بولادى.
الماتى قالاسىنىڭ Kinopark 11 IMAX Esentai كينوتەاترىندا ەكسكليۋزيۆتى Theatre HD جوباسىنىڭ كورسەتىلىمدەرى وتەدى. ول جەردە كورەرمەن قاۋىم الەمنىڭ ۇزدىك تەاتر قويىلىمدارىن ۇلكەن ەكراندا تاماشالاۋ مۇمكىندىگى بار. سول سياقتى جاڭا جىل قارساڭىندا رۋدولف نۋرەيەۆتىڭ حورەوگرافياسىنداعى مەرەكەلىك «شەلكۋنچيك» كورسەتىلىمى وتەدى.
وسىنداي ءارتۇرلى رەپەرتۋار قازاقستاندىق كورەرمەندەردىڭ كوڭىلىنەن شىعاتىنى ءسوزسىز جانە مەرەكە قارساڭىندا قىزىقتى فيلمدەردى كينوتەاترعا بارىپ كورۋگە تاماشا سەبەپ.
