دانيار ەلەۋسىنوۆ IBO نۇسقاسىندا الەم چەمپيونى اتاندى
تاۋەلسىزدىكتىڭ 30 جىلدىعىنا وراي ەلوردانىڭ جاقسىلىق ۇشكەمپىروۆ اتىنداعى Jekpe-jek سارايىندا وتكەن كاسىپقوي بوكس كەشىنىڭ نەگىزگى جەكپە-جەگى قازاقستاندىق دانيار ەلەۋسىنوۆ پەن ارگەنتينالىق حۋان ەرنان لەاو اراسىندا بولدى.
12 راۋندتىق كەزدەسۋدىڭ ەكىنشى راۋندىندا ارگەنتينا بوكسشىسى قازاقستاندىق قارسىلاسىنان نوكداۋن الدى. رينگتەگى تورەشى ءۇشىنشى راۋندتا دا «نوكداۋن» اشتى.
قالعان راۋندتار دا دانياردىڭ تولىق باسىمدىعىمەن ءوتتى. الايدا جەكپە-جەكتى ەرتە اياقتاۋعا ءساتتى ءبىر سوققى جەتپەي تۇردى.
تورەشىلەر شەشىمىمەن دانيار ەلەۋسىنوۆ IBO تۇجىرىمى بويىنشا الەم چەمپيونى اتاعىنا لايىق دەپ تانىلدى.
بوكس كەشىن باستان-اياق «حابار» تەلەارناسى تىكەلەي ەفيردەن كورسەتتى.
ايتا كەتەيىك، بۇعان دەيىن دانيار ەلەۋسىنوۆ كاسىپقوي رينگتەگى 10 جەڭىسىنىڭ التاۋىن نوكاۋتپەن اياقتاسا، ونىڭ قارسىلاسى 15 جەڭىسىنىڭ تورتەۋىن نوكاۋتپەن ءتامامداپ، ءبىر جەكپە-جەگىن ءساتسىز وتكىزگەن.
