حيدجاب كيۋگە تىيىم سالۋ ادامنىڭ قۇقىعىن بۇزباي ما - ادىلەت ۆيتسە-ءمينيسترى ءتۇسىندىردى

 ادىلەت ۆيتسە-ءمينيسترى الما مۇقانوۆا قوعامدا تالقىلانىپ جاتقان حيدجاب ماسەلەسىنە تۇسىنىك بەردى، دەپ حابارلايدى Kazinform. 

орамал
Фото: Фото: Pexels

«بۇل ماسەلەگە قاتىستى قوعامدا ءبىراز پىكىرتالاس ءجۇرىپ جاتىر. ءتىپتى حالىقارالىق تاجىريبەگە نازار اۋدارساڭىز، الەم ەلدەرىندە دە وسىنداي جاعداي. وعان تىيىم سالعان ەلدەر دە، رۇقسات بەرگەندەر دە بار. كورشى تۇرعان وزبەكستان مەن قىرعىزستاننىڭ تاجىريبەسىن الىپ قاراساق تا، بۇل ماسەلەلەر قازىردىڭ وزىندە ولاردىڭ پارلامەنتىندە قىزۋ تالقىلانىپ جاتىر. قاتەلەسپەسەم، كەي كورشىلەر بۇل تىيىمدى زاڭداستىرىپ قويعان»، - دەدى ا. مۇقانوۆا Kazinform ءتىلشىسىنىڭ سۇراعىنا جاۋاپ بەرە وتىرىپ.

بۇل تۇرعىدا ول ەلىمىزدە ءدىن ۇستانۋ قۇقىعىنا ەشقانداي شەكتەۋ جوق ەكەنىن، ياعني وسى باعىتتا كونستيتۋتسيالىق قۇقىق بار ەكەنىن ايتتى.

دەگەنمەن، قوعامدىق قاۋىپسىزدىك ماسەلەسىنە قاتىستى ءتيىستى شەكتەۋلەر بويىنشا ءبىرقاتار نورما ەنگىزىلۋى مۇمكىن.

«جالپى، وسىنداي ماسەلە كوتەرىلىپ، ءتيىستى نورمالاردى قاراستىرۋ ۇسىنىمى ەنگىزىلسە، ءبىز مۇنى تاعى دا زاڭ تۇرعىسىنان زەردەلەيمىز»، - دەدى ۆيتسە-مينيستر.

سونداي-اق ول ورامال تاعۋعا تىيىم سالىنۋىنا بايلانىستى قىزداردىڭ وقۋ ورنىنا بارۋدان باس تارتقانى جايلى ۆيدەوروليكتەرگە پىكىر ءبىلدىردى.

«جالپى، بۇل سالاداعى ءىس-قيمىلدار رەگلامەنتتەلگەن. ءبىلىم بەرۋ ۇيىمدارىندا ءتيىستى شەكتەۋ بار. وسى تاقىرىپتا ءبىرقاتار لاۋازىمدى ادام تۇسىنىك بەرگەن»، - دەدى ا. مۇقانوۆا.

ايتا كەتەيىك، بيىل تامىز ايىندا وقۋ-اعارتۋ ءمينيسترى عاني بەيسەمبايەۆ وقۋشىلاردىڭ مەكتەپكە حيدجابپەن كەلۋىنە پىكىر بىلدىرگەن ەدى.

مادەنيەت جانە اقپارات ءمينيسترى ايدا بالايەۆا دا Facebook پاراقشاسىندا وقۋشىلاردىڭ مەكتەپكە حيدجاب كيىپ بارۋىنا ءوز ويىن جەتكىزىپ، وقۋ- اعارتۋ ءمينيسترىنىڭ ءسوزىن قۋاتتاي ءتۇستى.

 

اۆتور

رۋسلان عابباسوۆ

سوڭعى جاڭالىقتار