چەحيادا ەگىن جينايتىن جۇمىسشىلار تاپشى
استانا. KAZINFORM - چەحيانىڭ اۋىل شارۋاشىلىعى سالاسى جۇمىس كۇشىنىڭ جەتىسپەۋشىلىگىنەن زارداپ شەگىپ جاتىر. بۇل اسىرەسە ەگىن جيناۋ ماۋسىمى باستالعان كەزدە ايقىن كورىندى، دەپ جازادى ازەرتادج.
Jenpráce.cz جۇمىسپەن قامتۋ سايتىنداعى مالىمەتكە سايكەس، اۋىل شارۋاشىلىعىندا جۇمىسقا دەگەن قىزىعۋشىلىقتىڭ تومەندەۋى ەڭبەكتىڭ اۋىرلىعىنا سايكەس كەلمەيتىن تومەن جالاقىعا بايلانىستى.
رەسۋرستىڭ دەرەكتەرى بويىنشا، اگرارلىق سەكتورداعى جالاقى ەل بويىنشا ورتاشا كورسەتكىشتەن 13 مىڭ كرونعا (520 ەۋرو) تومەن.
چەح ستاتيستيكا باسقارماسىنىڭ مالىمەتى بويىنشا، بيىلعى جىلدىڭ ءبىرىنشى توقسانىندا سالىق الىنار الدىندا ەلدەگى ورتاشا جالاقى 46924 چەح كروناسىنا (1877 ەۋرو) تەڭ بولعان.
جاز ايلارىندا ەڭ كوپ جۇمىسشى ەگىن جيناۋ، سۇرىپتاۋ جانە ەگىنگە كۇتىم جاساۋ جۇمىستارىندا جەتىسپەيدى.
مال شارۋاشىلىعى سالاسىندا جاعداي ۇقساس — ءىرى قارا مال مەن جاس مالعا كۇتىم جاسايتىن قىزمەتكەرلەر قاجەت.
بۇل رەتتە كادر تاپشىلىعى ماسەلەسىن فەرمەرلىك شارۋاشىلىقتار زاماناۋي تەحنولوگيالاردى ەنگىزۋ جانە ماۋسىمدىق جۇمىسشىلاردى تارتۋ ارقىلى شەشۋگە تىرىسادى.
بۇعان دەيىن چەحيادا كوممۋنيزمدى ناسيحاتتاۋعا تىيىم سالىنعانى حابارلاندى.
