حاينان ارالىنداعى تابيعي اپات سالدارىنان جەتى ادام كوز جۇمدى

بەيجىڭ. KAZINFORM - قىتايدىڭ وڭتۇستىگىندەگى حاينان پروۆينسياسىندا سوققان «ترامي» تايفۋنى سالدارىنان 40 مىڭنان استام ادام ەۆاكۋاتسيالاندى. بۇل تۋرالى جەرگىلىكتى توتەنشە جاعدايلار دەپارتامەنتى حابارلادى، دەپ جازدى Kazinform مەنشىكتى ءتىلشىسى.

دۇيسەنبىدەن بەرى حاينان ارالىنىڭ كوپتەگەن اۋداندارىندا بيىل 20-شى رەت سوققان «ترامي» تايفۋنى سەبەپ بولعان قاتتى نوسەر جاۋىپ جاتىر. ەڭ كوپ زارداپ شەككەن تسيۋنحاي قالاسىندا بيلىك 1- دەڭگەيدەگى توتەنشە جاعداي رەجيمىن ىسكە قوستى. بۇل ەلدى مەكەندە 500 م م-دەن استام جاۋىن-شاشىن ءتۇستى.

جەرگىلىكتى ب ا  ق-تىڭ حابارلاۋىنشا، تولاسسىز جاۋعان جاڭبىر سالدارىنان ارالدىڭ كەي ايماقتارىن سۋ باسۋ قاۋپى جوعارى.

«ترامي» تايفۋنى سالدارىنان حاينان پروۆينسياسىندا جەتى ادام قازا تاۋىپ، تاعى ءبىر ادام ءىز-ءتۇزسىز جوعالدى.

فۋجيان جانە جىجياڭ پروۆينسيالارىنىڭ بيلىگى 31-قازان مەن 1-قاراشا ارالىعىندا قىتايدىڭ شىعىس جاعالاۋىنا قاتتى جاڭبىر اكەلەتىن «كونگ- رەي» جاڭا تايفۋنىنا دايىندالىپ جاتىر. تابيعي اپاتىنىڭ ەڭ ۇلكەن زارداپتارى چجەتسزيان پروۆينتياسىندا بولادى دەپ بولجانىپ وتىر.

قىتايدا توتەنشە جاعدايلاردىڭ ءتورت دەڭگەيلى جۇيەسى بار، مۇنداعى ءبىرىنشى دەڭگەي ماكسيمالدى.

ايتا كەتەيىك، بۇعان دەيىن ۆەتنامدا «ياگي» تايفۋنىنان قازا تاپقاندار سانى 233 ادامعا جەتكەنى تۋرالى جازعان بولاتىنبىز.

اۆتور
زارينا تۋعانبايەۆا