حالىقتىڭ نەسيەسىن كەشىرۋ اكسياسى قايتالانا ما - تامارا دۇيسەنوۆا جاۋاپ بەردى
ۇكىمەت وتىرىسىنان كەيىنگى باسپا ءسوز كونفەرەنتسياسىندا پرەمەر-ءمينيستردىڭ ورىنباسارى تامارا دۇيسەنوۆا حالىقتىڭ نەسيەسىن كەشىرۋ تۋرالى پىكىر ءبىلدىردى، دەپ حابارلايدى Kazinform اگەنتتىگى.
«جەكە تۇلعالاردىڭ بانكروتتىعى پروتسەدۋراسىنان تىس نەسيە كەشىرۋ شاراسى بولا ما؟» - دەپ سۇرادى جۋرناليست.
اۋەلى ۆيتسە-پرەمەر بۇعان دەيىن حالىقتىڭ نەسيەسى نەگە كەشىرىلگەنىن ءتۇسىندىردى.
«ەسىڭىزدە بولسا، جەكە تۇلعالاردى بانكروت دەپ تانۋ تۋرالى زاڭنامالىق نەگىز بولماعاندىقتان حالىقتىڭ ءبىر بولىگىنىڭ نەسيەسى كەشىرىلگەن بولاتىن. قازىر ونداي زاڭنامالىق نەگىز بار. سونىڭ اياسىندا 6 مىڭنان استام ادام بانكروتتىق جاريالاۋ مۇمكىندىگىن العانىن بۇگىن ايتتىق. ولار بانكروت دەپ مويىندالدى، ياعني ولاردىڭ ماسەلەسى شەشىلدى. بۇل باعىتتاعى جۇمىس جالعاسادى. بۇكىل جۇمىس زاڭناما اياسىندا، بەكىتىلگەن رەگلامەنت بويىنشا جۇرەدى. بانكروتتىقتان بولەك نەسيەنى كەشىرۋ پروتسەدۋراسى بولمايدى»، - دەدى تامارا دۇيسەنوۆا.
