حالىقارالىق وليمپيادا كۇنى تۋعان سابيلەر سەرتيفيكاتتار مەن سىيلىقتار الدى
استانا. KAZINFORM - قازاقستان ۇلتتىق وليمپيادالىق كوميتەتى حالىقارالىق وليمپيادا كۇنىنە وراي، ەلىمىزدە 23-ماۋسىم كۇنى دۇنيە ەسىگىن اسشقان بارلىق نارەستەلەرگە ارنايى سەرتيفيكات، قۇتتىقتاۋ حاتى جانە ەستەلىك سىيلىقتار تابىستادى.
ق ر ۇلتتىق وليمپيادالىق كوميتەتىنىڭ باسپا ءسوز قىزمەتى اتاپ وتكەندەي، «وليمپيادا كۇنى تۋعان» ءداستۇرلى اكسياسى كەشە ساعات 00:00 دە باستالىپ، ەلىمىزدىڭ 17 وبلىسى مەن استانا، الماتى جانە شىمكەنت قالالارىن قامتىدى. اكسياعا قازاقستاننىڭ بارلىق وڭىرىندەگى 240 پەرزەنتحانا قاتىستى. كەشە ومىرگە كەلگەن سابيلەردىڭ بارىنە سىيلىقتار جيىنتىعى تابىستالدى.
23-ماۋسىمدا تۋعان سابيلەرگە ارنالعان مەرەكەلىك جيىنتىق «Olympian is born» («ومىرگە وليمپياداشى كەلدى») جازباسى بار بوديلار تابىستالىپ، وليمپياداشىلار اتىنان قۇتتىقتاۋتار جولداندى.
«ۇلتتىق وليمپيادالىق كوميتەت ءۇشىن بۇل كۇننىڭ ورنى ەرەكشە. ءبىز ۇلكەن وليمپيادالىق وتباسىمىزعا قوسىلعان بارلىق ءسابيدى وسىلاي قارسى الامىز. ومىرلىك تاڭداۋىنىڭ قانداي بولارىنا قاراماستان، ءبىز وسى ءبىر ەرەكشە داتا - حالىقارالىق وليمپيادا كۇنىندە تۋعان ءاربىر بالانىڭ قانداي سىناقتان بولسا دا سۇرىنبەي وتەتىنىنە سەنەمىز. ولاردىڭ ارماندارىنىڭ ورىندالۋىن تىلەيمىز. بالا ارمانىنىڭ قانشاما بيىكتىگىنە قاراماستان ونى ورىنداۋعا بولاتىنىن ءبىزدىڭ سپورتشىلارىمىز ءسان مارتە دالەلدەپ شىققان. قازىرگى چەمپيونداردىڭ جاڭا تۋعان سابيلەرگە جولداعان تىلەگى ءومىرىن ەندى باستاعان بوبەكتەر مەن ءبىزدىڭ وليمپياداشىلار اراسىنداعى بۇزىلماس بايلانىس ىسپەتتى. ءبىز وسى كۇنى ومىرگە كەلگەن نارەستەلەر مەن مەن ولاردىڭ وتباسىلارىنىڭ قۋانىشىنا ورتاقتاسىپ، زور دەنساۋلىق، باقىت، بايلىق تىلەيمىز»، - دەپ اتاپ ءوتتى قازاقستان ۇ و ك.
استانا پەرزەنتحانالارىنداعى جاڭا تۋعان سابيلەرگە سىيلىقتاردى بوكستان الەم چەمپيونى مەرەي اقشالوۆ پەن شورت-ترەكتەن الەم بىرىنشىلىگىنىڭ كۇمىس جۇلدەگەرى دەنيس نيكيشا جەتكىزدى.
اكسيا 23 -ماۋسىم كۇنى ساعات 00:00 دە اياقتالادى. بىلتىر حالىقارالىق وليمپيادا كۇنىندە 2000 عا جۋىق بالا دۇنيەگە كەلدى. 2024-جىلى تۋعان سابيلەر سانى 24-ماۋسىمدا، ياعني بۇگىن انىقتالادى.
ايتا كەتەلىك، حالىقارالىق وليمپيادا كۇنىنە ارنالعان بىرەگەي اكتسيانى قازاقستان ۇ و ك العاش رەت 2020-جىلى جۇزەگە اسىردى.
اكسيا ق ر دەنساۋلىق ساقتاۋ مينيسترلىگى مەن مولەكۋليارلى مەديتسينا ورتالىعىنىڭ قولداۋىمەن ءوتتى.
ايتا كەتەيىك، پاريجدەگى وليمپيادا ويىندارى وسى جىلدىڭ 26-شىلدەسى مەن 11-تامىزى ارالىعىندا وتەدى.
اۆتوركۇنسۇلتان وتارباي
