حالىقارالىق جۋرناليستيكا مەكتەبى اشىلدى
بۇگىن ماقسۇت نارىكبايەۆ ۋنيۆەرسيتەتىندە حالىقارالىق جۋرناليستيكا مەكتەبىنىڭ سالتاناتتى اشىلۋ ءراسىمى ءوتتى، دەپ حابارلايدى قازاقپارات ءتىلشىسى.
ءىس- شاراعا پرەزيدەنت كەڭەسشىسى — باسپا ءسوز حاتشىسى بەرىك ءۋالي، پرەزيدەنت تەلەراديوكەشەنىنىڭ باس ديرەكتورى راۋشان قاجىبايەۆا، سونداي- اق ءبىرقاتار شەت مەملەكەتتىڭ ەلشىسى قاتىستى.
بىرەگەي ءبىلىم بەرۋ جوباسى ەلىمىزدىڭ بۇقارالىق اقپارات قۇرالدارى ءۇشىن شىعارماشىلىق جانە تەحنيكالىق ماماندار دايىنداۋ ماقساتىندا پرەزيدەنت تەلەراديوكەشەنىمەن بىرگە جۇزەگە اسىرىلىپ وتىر. حالىقارالىق مەكتەپكە ءبىرىنشى وقۋ جىلىندا 201 ستۋدەنت قابىلدانعان. ولاردىڭ 20 سى پرەزيدەنت تەلەراديوكەشەنى مەن «Dara» پرەزيدەنتتىك باستامالار قورىنىڭ گرانتىن الدى.
وقۋ اعىلشىن تىلىندە وتەدى، جەكەلەگەن پاندەردە قازاق جانە ورىس تىلدەرى قولدانىلادى.
پرەزيدەنت باسپا ءسوز حاتشىسى بەرىك ءۋالي مۇنداي جوبا حالىقارالىق دەڭگەيدەگى ناعىز كاسىبي مامانداردى تاربيەلەپ شىعارۋعا مۇمكىندىك بەرەتىندىگىن اتاپ ءوتتى.
«قازىرگى مىنا اشىلىپ وتىرعان حالىقارالىق جۋرناليستيكا مەكتەبى — ستۋدەنتتەرگە وسى سالادا ۇلكەن مۇمكىندىكتەر اشاتىنىنا سەنىمدىمىن. ويتكەنى 70 پايىزى اعىلشىن، 30 پايىزى قازاق- ورىس تىلدەرىندە وقىتىلادى ەكەن. جالپى بۇل حالىقارالىق دەڭگەيدە ءبىلىم الىپ، كوكجيەك كەڭەيتەتىن مىقتى جوبا. وسىنداي اۋقىمداعى، جۋرناليستيكا فاكۋلتەت قازاقستاندا تۇڭعىش رەت اشىلىپ جاتىر. وسى جەردەن شىققان ماماندار كەيىنگى بۋىنعا ۇلكەن ءبىر مەكتەپ قالىپتاستىراتىنىنا سەنىمدىمىن»، — دەدى بەرىك ءۋالي.
بولاشاق جۋرناليستەرگە ارنالعان ءبىلىم باعدارلاماسى Columbia University, Berkeley University, Princeton University, City University of London سىندى ءبىلىم وردالارىندا قولدانىلاتىن ۇزدىك الەمدىك تاجىريبە نەگىزىندە ازىرلەنگەن.
«بۇكىل الەم باستان كەشىرىپ وتىرعان قارقىندى وزگەرىستەر كاسىبي جۋرناليستيكاعا بارىنشا قاتاڭ تالاپ قويىپ وتىر. اقپاراتتىڭ وتە ۇلكەن كولەمىن وڭدەپ، ساراپتاي الۋ، سۇزگىدەن وتكىزىپ، سىني وي ەلەگىنەن وتكىزە ءبىلۋ قاجەت. سونىمەن قاتار قازىرگى ب ا ق مۋلتيمەديالىققا اينالدى. جانە دە ءبىز جاڭا بۋىن جۋرناليستەرىنە، بولاشاق ارىپتەستەرىمىزگە ءتۇرلى فورماتتا جۇمىس ىستەۋ ءۇشىن وزەكتى ءبىلىم مەن داعى الۋعا مۇمكىندىك بەرۋىمىز كەرەك»، — دەدى پرەزيدەنت تەلەراديوكەشەنىنىڭ ديرەكتورى راۋشان قاجىبايەۆا.
ستۋدەنتتەر پرەزيدەنت تەلەراديوكەشەنىنىڭ مىنا رەسۋرستارىندا ءىس جۇزىندە تاجىريبەدەن وتۋگە مۇمكىندىك الادى: «Jibek Joly» تەلەارناسى، «قازاقپارات» ح ا ا جانە دەرەكتى كينو ورتالىعى. مۇنان بولەك، ستۋدەنتتەرگە Columbia University, University of Cambridge, New York Film Academy, Mississippi Valley State University جانە Michigan State University USA تۇلەكتەرى ءبىلىم بەرەدى.
«جۋرناليستىك ءبىلىم ءبىر ورنىندا تۇرمايدى. بۇگىندە ءبىز ءبىلىم بەرۋ پروتسەسىن قارقىندى دامىتىپ، زاماناۋي ءبىلىم تەحنولوگياسىن ەنگىزگىمىز كەلەدى. ول — ستۋدەنتتەرىمىزدى تولعاندىراتىن تاقىرىپتار بويىنشا ساراپشىلاردىڭ شەبەرلىك ساباقتارى، مۋلتيمەديالىق پراكتيكۋم، دوڭگەلەك ۇستەلدەر، باسپا ءسوز ءماسليحاتتارى» ،— دەدى Maqsut Narikbayev University باسقارماسىنىڭ ءتوراعاسى تالعات نارىكبايەۆ.
