حالىقارالىق جەر سىلكىنىسى قۇرباندارىن ەسكە الۋ كۇنى بەلگىلەندى
تاشكەنت. قازاقپارات - 2023 -جىلعى 16-ناۋرىزدا وتكەن تۇركى مەملەكەتتەرى ۇيىمىنىڭ كەزەكتەن تىس سامميتىندە وزبەكستان پرەزيدەنتى توتەنشە جاعدايلار بويىنشا مامانداندىرىلعان حالىقارالىق قۇرىلىمدارمەن ءىس جۇزىندەگى ىنتىماقتاستىقتى نىعايتۋ قاجەتتىگىنە ەرەكشە نازار اۋداردى، دەپ حابارلايدى ءو ز ا.
سامميتتە شاۆكات ميرزيەيەۆ باستاماسىمەن جەر سىلكىنىسى قۇرباندارىنا تاعزىم ەتۋ جانە وسىعان بايلانىستى حالىقارالىق ىنتىماقتاستىق قاجەتتىگىن ەسكە سالۋ ماقساتىندا ەسكە الۋ جانە ىنتىماقتاستىق كۇنىن بەلگىلەۋ تۋرالى باستاما كوتەرگەن ەدى.
بۇگىندە بۇل باستاما ءىس جۇزىندە ءوز ناتيجەسىن كورسەتتى. ويتكەنى 2025 -جىلى 29 -ساۋىردە بىرىككەن ۇلتتار ۇيىمىنىڭ نيۋ- يوركتەگى شتاب- پاتەرىندە وزبەكستاننىڭ باستاماسىمەن ب ۇ ۇ باس اسسامبلەياسى 29-ءساۋىردى حالىقارالىق جەر سىلكىنىسى قۇرباندارىن ەسكە الۋ كۇنى دەپ جاريالاۋ تۋرالى قارار قابىلدادى. قۇجاتتى الەمنىڭ بارلىق ايماعىنان 80 نەن استام مەملەكەت بىرلەسىپ جازعان.
حالىقارالىق جەر سىلكىنىسى قۇرباندارىن ەسكە الۋ كۇنى العاش رەت 2026 -جىلدىڭ 29 - ساۋىرىندە اتاپ وتىلەدى. بۇل داتا 1966 -جىلى تاشكەنتتە بولعان جويقىن جەر سىلكىنىسىنىڭ 60 جىلدىعىنا ارنالدى.
