حالىق قاھارماندارى پارادتى تاماشالاپ وتىر
استانا. KAZINFORM - ەلوردادا جەڭىستىڭ 80 جىلدىعىنا وراي ءوتىپ جاتقان اسكەري پارادتا حالىق قاھارماندارى، سوعىس باتىرلارىنىڭ ۇرپاقتارى مەن قازاقستاندىق عارىشكەرلەر قۇرمەتتى قوناق بولدى.
ايتا كەتەيىك، بۇگىندە ەلىمىزدە 105 سوعىس ارداگەرى بار. ونىڭ ىشىندە استانا، الماتى، قاراعاندى، قوستاناي، وسكەمەن جانە قوسشى قالاسىنان سوعىس ارداگەرلەرى پارادقا ارنايى كەلىپ قاتىسىپ وتىر.
ودان بولەك، حالىق قاھارماندارى مۇحتار التىنبايەۆ، ءسات توقپاقبايەۆ، باقىتجان ەرتايەۆ، قايرات ۇمبەتوۆ، ازامات جۇمادىلوۆ پارادتىڭ قۇرمەتتى قوناعى بولدى.
سونداي-اق، سوعىس باتىرى ساعادات نۇرماعامبەتوۆتىڭ قىزى ايسۇلۋ نۇرماعامبەتوۆا، يۆان پانفيلوۆتىڭ نەمەرەسى الۋا بايقاداموۆا ارنايى كەلدى.
سونىمەن قاتار قازاقستاندىق عارىشكەرلەر توقتار اۋباكىروۆ، تالعات مۇسابايەۆ جانە ايدىن ايىمبەتوۆ قۇرمەتتى قوناق بولىپ وتىر.
استانادا اسكەري پاراد ءوتىپ جاتىر. ءىس- شاراعا مەملەكەت باسشىسى قاسىم-جومارت توقايەۆ قاتىسىپ وتىر.
وعان ەلورداداعى پارادقا ەل وڭىرلەرىنەن سوعىس ارداگەرلەرى كەلدى.
