Halyq Bank «حالىق» ءسوزىن زاڭسىز پايدالانىپ ءجۇر
استانا. KAZINFORM - ءماجىلىس دەپۋتاتى مارات ءباشىموۆ Halyq Bank اتاۋىنا «حالىق ءسوزىن» قولدانۋ زاڭعا قايشى دەپ ەسەپتەيتىنىن ايتتى.
- مەنەن ءبىر ساراپشى سۇرادى. «نەگە Halyq Bank-كە «حالىقتىڭ بانكى» دەگەن اتاۋدى بەرىپ قويعانسىزدار»، - دەيدى. ازاماتتىق كودەكستە قازاقستان رەسپۋبليكاسىنىڭ اتىنان اتاۋ قويۋعا تىيىم بار. «حالىق» دەگەن ۇعىم - كونستيتۋتسيالىق تەرمين. حالىق اتىنان ءسوز سويلەپ، كوپشىلىككە شىعا التىن تۇلعالاردىڭ سانى شەكتەۋلى. ال بۇل بانك حالىقتىڭ اتىن وزدەرىنە العان، «حالىقتىڭ بانكىمىز» دەپ ەلدى شاتاستىرىپ ءجۇر. قاراپايىم ادام «حالىق بانك» دەگەن حالىقتىڭ بانكى ەكەن دەپ ويلايدى. كەشىرىڭىز، كىم وعان ونداي اتاۋ قويۋعا رۇقسات بەردى؟ ادىلەت مينيسترلىگى وسىعان كىرىسىپ، اتاۋدى قايتا قاراپ، تالقىلاۋعا شىعارۋ كەرەك. ول «حالىق» ءسوزىن قولدانا المايدى. ويتكەنى بۇل - كونستيتۋتسيالىق تەرمين. ادىلەت مينيسترلىگى قورىتىندى بەرسىن، - دەدى دەپۋتات.
ءمادينا ءابىلقاسىموۆا بۇل سۇراققا جاۋاپ بەرۋگە قۇزىرەتى جوق ەكەنىن ايتىپ، قىسقا جاۋاپ قايىردى.
ايتا كەتەيىك، ءدال قازىر ۇلتتىق بانك پەن قارجى نارىعىن دامىتۋ جانە رەتتەۋ اگەنتتىگى ماجىلىستە بانكتەر تۋرالى زاڭ جوباسىن تانىستىرىپ جاتىر.
اۆتور
ەسىمجان ناقتىباي
