حابار كەش بەرىلگەن: استانادا «بيگ شانحاي» بازارى ورتەندى
استانا. KAZINFORM - وقىس وقيعا استانا قالاسى بايقوڭىر اۋدانى الاش تاس جولىنىڭ بويىنداعى بازارلاردىڭ بىرىندە بولدى. قازىر ءورت وقشاۋلاندى، دەپ حابارلايدى ت ج م باسپا ءسوز قىزمەتى.
استانادا بايقوڭىر اۋدانى الاش تاس جولىنىڭ بويىنداعى ءۇش قاباتتى عيماراتتاردىڭ بىرىندە ءورت شىقتى. وقيعا ورنىندا ءورت ءسوندىرۋ شتابى قۇرىلدى. سۋمەن ءۇزىلىسسىز قامتاماسىز ەتۋ ۇيىمداستىرىلدى. ءورت سوندىرۋشىلەر ءورتتىڭ جوعارى دارەجەسى بويىنشا جۇمىس ىستەدى. ءورت سوندىرۋشىلەر كەلگەن كەزدە وت تاراپ كەتكەن. ءسوندىرۋ جوعارى ءورت جۇكتەمەسىمەن جانە قاتتى تۇتىنمەن كۇردەلەنەدى.
- ءورتتى وقشاۋلاۋ ءۇشىن بارلىق شارا قولدانىلىپ جاتىر. ءورتتى ءسوندىرۋ ءۇشىن سۋ وقپاندارى بەرىلدى، بيىك تەحنيكالار دا قولدانىلدى. ءورت تۋرالى حابار كەش بەرىلگەندىكتەن، ءورت بۇكىل عيمارات اۋماعىنا تاراپ، ۇلكەن كولەمدە ءورشىدى. كوپ كولەمدى جانعىش جۇكتەمەنىڭ بولۋى ءورتتى ءسوندىرۋ جۇمىستارىن قيىنداتتى. استانا قالاسى ت ج د، ج ا و 100 قىزمەتكەرى جانە شامامەن 60 تەحنيكاسى جۇمىلدىرىلدى. سۋ ۇزدىكسىز بەرىلىپ جاتىر. زارداپ شەككەندەر تۋرالى اقپارات 112 گە تۇسكەن جوق، - دەلىنگەن حابارلامادا.
استانا قالاسى ت ج د باستىعىنىڭ ورىنباسارى قانات التىنبەكوۆتىڭ سوزىنشە، ساعات 6:19-داعى جاعداي بويىنشا بازارداعى ءورت وقشاۋلاندى. دەگەنمەن ءورتتى ءسوندىرۋ جۇمىستارى جالعاسىپ جاتىر. ءورتتىڭ اۋماعى ناقتىلانادى.
بۇعان دەيىن قاراعاندىدا بانك عيماراتى ورتەنگەنىن جازعان ەدىك.
