«ح ا س» قارجى پيراميداسىنىڭ نەگىزىن قالاۋشىلار الاياقتىق ءۇشىن سوتتالدى

پاۆلودار. KAZINFORM - پاۆلوداردا «ح ا س» دەپ اتالاتىن قارجى پيراميداسىن قۇرۋ ءىسى بويىنشا رەزونانستى سوت ۇكىمى شىعارىلدى. بۇل تۋرالى پاۆلودار وبلىسىنىڭ پروكۋراتۋراسى حابارلادى.

«ХАС» қаржы пирамидасының негізін қалаушылар алаяқтық үшін сотталды
Фото: Павлодар облысы прокуратурасы

- سوت 2022-2023 -جىلدار ارالىعىندا قارجى پيراميداسىنىڭ باستى ۇيىمداستىرۋشىسىنىڭ قىلمىستىق توپتى قۇرىپ، ونى باسقارعانى انىقتادى. ول ازاماتتاردىڭ اقشالاي قاراجاتىن جوعارى تابىستى ينۆەستيتسيا رەتىندە تارتۋ ارقىلى الاياقتىقپەن اينالىسقان. ۋادە ەتىلگەن %70- عا دەيىنگى پايدا كوپشىلىككە تارتىمدى كورىنىپ، كوپتەگەن ازاماتتار سەنىپ قالعان، - دەلىنگەن حابارلدامادا.

سالدارىنان استانا، الماتى، پاۆلودار، ەكىباستۇز جانە باسقا دا ەلدى مەكەندەردە 376 ازامات الاياقتارعا 2 ميلليارد تەڭگەدەن استام قاراجات تاپسىرعان.

مەملەكەتتىك ايىپتاۋشى تاراپ - پروكۋراتۋرا قىلمىستىق سحەمانى ۇيىمداستىرۋشىعا قاتاڭ جازا تاعايىنداۋدى تالاپ ەتتى. سوت ايىپتاۋ تاراپىنىڭ ۇستانىمىن قولداپ، قارجى پيراميداسىنىڭ نەگىزىن قالاۋشىنى 12 جىلعا باس بوستاندىعىنان ايىردى. قىلمىستىق توپتىڭ قالعان مۇشەلەرى دە تۇرلى مەرزىمدەر مەن جازا تۇرلەرىنە كەسىلدى.

ايتا كەتۋ كەرەك، پروكۋراتۋرا ءىستىڭ ءادىل ۇكىممەن اياقتالۋىندا ماڭىزدى ءرول اتقاردى. ول سوتقا ۇيىمداسقان الاياقتىقتىڭ جان-جاقتى دالەلدەرىن ۇسىندى.

قازىرگى تاڭدا ۇكىم زاڭدى كۇشىنە ەنگەن جوق.

ايتا كەتەلىك «Asar BaSpana» قارجى پيراميداسى 86 مىڭنان استام ازاماتتان 12,4 ميلليارد تەڭگە تارتقان ەدى.

اۆتور

نازىم بولەسوۆا

سوڭعى جاڭالىقتار