G7 ەلدەرى ورتا ازيا ينفراقۇرىلىمىنا 200 ميلليارد دوللار ينۆەستيتسيا قۇيماق، قارجىنىڭ دەنى قازاقستانعا بولىنەدى
استانا. KAZINFORM - سىرتقى ىستەر ءمينيسترىنىڭ ورىنباسارى نازيرا نۇربايەۆا «جاھاندىق ينفراقۇرىلىم جانە ينۆەستيتسيالىق سەرىكتەستىك» باعدارلاماسىنىڭ ا ق ش-تىڭ ارنايى ۇيلەستىرۋشىسىنىڭ مىندەتىن اتقارۋشى حەلاينا ماتسامەن كەزدەستى.
كەزدەسۋدە تاراپتار كولىك- لوگيستيكا، تازا ەنەرگيا، اۋىل شارۋاشىلىعى ونىمدەرىن، سيرەك جەر مەتالدارىن ءوندىرۋ جانە وڭدەۋ سالالارىنداعى جوبالارعا ينۆەستيتسيا سالۋ مۇمكىندىكتەرىن تالقىلادى.
G7 «جاھاندىق ينفراقۇرىلىم جانە ينۆەستيتسيالىق سەرىكتەستىك» باعدارلاماسى دامۋشى ەلدەردەگى ينفراقۇرىلىمدىق جوبالارعا 2027 -جىلعا قاراي 600 ميلليارد ا ق ش دوللارىن ينۆەستيتسيا سالۋدى كوزدەيدى.
سۇحبات بارىسىندا ن. نۇربايەۆا قازاقستاننىڭ كولىك ينفراقۇرىلىمىن، ونىڭ ىشىندە اقتاۋ جانە قۇرىق تەڭىز پورتتارى ارقىلى دامىتۋ، تازا ەنەرگيا ءوندىرۋ، ماڭىزدى پايدالى قازبالار مەن اۋىل شارۋاشىلىعى ونىمدەرىن ءوندىرۋ سالالارىنداعى جوبالاردى ىسكە اسىرۋ پەرسپەكتيۆالارى تۋرالى ايتىپ بەردى. ءمينيستردىڭ ورىنباسارى ورتالىق ازيا ءوڭىرىنىڭ وسى سالالارداعى ۇزاق مەرزىمدى سەرىكتەستىك ءۇشىن زور الەۋەتى بار ەكەنىن اتاپ ءوتىپ، قازاقستاننىڭ ورتاق ماقساتتارعا جەتۋ ءۇشىن اقش- پەن ىنتىماقتاسۋعا دايىن ەكەنىن ءبىلدىردى.
ءوز كەزەگىندە ح. ماتسا «ۇلكەن جەتىلىك» ەلدەرى ورتالىق ازياداعى ينفراقۇرىلىمدىق جوبالارعا 200 ميلليارد ا ق ش دوللارعا دەيىن ينۆەستيتسيا سالۋعا دايىن ەكەنىن جانە مۇنداي جوبالاردى جۇزەگە اسىرۋدىڭ نەگىزگى باعىتتارىنىڭ ءبىرى - قازاقستان ەكەنىن اتاپ ءوتتى. باعدارلامانىڭ نەگىزگى ماقساتى - ەۋروپالىق نارىقتارعا ودان ءارى شىعۋ ارقىلى ورتالىق ازيا ەلدەرى اراسىنداعى ساۋدا قاتىناستارىن كەڭەيتۋ ارقىلى الەمدەگى ازىق-تۇلىك جانە ەنەرگەتيكالىق قاۋىپسىزدىكتى قامتاماسىز ەتۋ ءۇشىن جەتكىزۋ تىزبەگىن نىعايتۋ جانە ءارتاراپتاندىرۋ.
كەزدەسۋ سوڭىندا تاراپتار ماڭىزدى ينفراقۇرىلىمدىق جوبالاردى جۇزەگە اسىرۋ جانە ەكونوميكالىق بايلانىستاردى نىعايتۋ ءۇشىن تاراپتار اراسىنداعى ىنتىماقتاستىقتى دامىتۋعا كەلىستى.
اۆتور
اسحات رايقۇل
