فينالدا نەگە تۋ بولمادى؟ ريزابەك پەن جاتتىقتىرۋشىسى جاۋاپ بەردى
بۇگىن ەركىن كۇرەستەن ەل تاريحىندا العاش رەت الەم چەمپيونى اتانعان ريزابەك ايتمۇحان مەن جاتتىقتىرۋشىسى ەركەبۇلان كەشۋبايەۆ ەلگە ورالدى.
اۋەجايداعى كەزدەسۋدەن كەيىن Qazaqstan ۇلتتىق ارناسىنداعى «تاڭشولپان» باعدارلاماسىنا بارىپ، جانكۇيەرلەر كوكەيىندە جۇرگەن كەي سۇراقتارعا جاۋاپ بەردى.
ەفير كەزىندە جۇرگىزۋشىلەردىڭ تۋعا قاتىستى سۇراعىنا بالۋاننىڭ جاتتىقتىرۋشىسى قىسقا عانا پىكىرىن ءبىلدىردى.
تۋدى الىپ شىعاتىن كىسىلەر بولعان. مەن بالۋاننىڭ دايىندىعى، كوڭىل-كۇيى، جالپى جاعدايىن باقىلايمىن، - دەدى.
ريزابەك بولسا بۇل جاعدايعا قاتىستى رەنىشى جوعىن العا تارتتى.
ءوزىم دە تۋمەن جۇگىرگىم كەلدى. اللا ءساتىن سالماعان شىعار، بالكىم كەلەسى جارىستا ءساتى تۇسەر. تاعى ۇلكەن جارىستا توپ جارۋعا بەلگى جىبەرگەن بولار. رەنىش جوق. ءبىراق تۋمەن جۇگىرگەن جاقسى بولار ەدى... - دەدى الەم چەمپيونى.
