فولكسۆاگەن اۆتوكونسەرنى قىتايداعى زاۋىتىن جابادى

نەمىستىڭ Volkswagen اۆتوكونسەرنى قىتايدىڭ نانجيڭ قالاسىنداعى زاۋىتىندا ءوندىرىستى توقتاتىپ، ونى بيىل رەسمي تۇردە جابۋدى جوسپارلاپ وتىر، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

بۇل - Volkswagen مەن قىتايدىڭ SAIC اۆتوكومپانياسىنىڭ بىرلەسكەن جوباسى. زاۋىت 2008 -جىلى اشىلعان، ال ونىڭ جىلدىق وندىرىستىك قۋاتى 360 مىڭ كولىككە دەيىن جەتكەن. سوڭعى ۋاقىتتا بۇل زاۋىت تەك Passat جانە Skoda Superb مودەلدەرىن شىعارىپ، قۋاتتىلىعىن تومەندەتىپ جۇمىس ىستەپ كەلگەن.

زاۋىتتى جابۋدىڭ رەسمي سەبەبى - لوگيستيكالىق قيىندىقتار. ءوندىرىس ورنى قالانىڭ ورتالىعىنا جاقىن ورنالاسقان ونەركاسىپتىك ايماقتا بولعاندىقتان، ونى قايتا جاڭعىرتۋ تىم قىمباتقا تۇسەدى.

ەندى زاۋىتتىڭ اۋماعى قالالىق اكىمدىك مەنشىگىنە قايتارىلادى، ءال وندىرىس كورشىلەس ورنالاسقان يجەن قالاسىنداعى زاۋىتقا كوشىرىلەدى. ايتا كەتەيىك، اۆتوكونسەرن وسىنداي قادامدى 2022 -جىلى شاڭحاي ماڭىنداعى زاۋىتىندا دا جاساعان بولاتىن، ءبىراق ول كەزدە ءوندىرىس تولىعىمەن توقتاتىلعان جوق.

وسىلايشا، قىتايداعى جاھاندىق اۆتوتوڭىرەگىندەگى كومپانيالار ءتۇرلى قيىندىقتارعا تاپ بولىپ وتىر. بۇل رەتتە قىتاي Volkswagen ءۇشىن ماڭىزدى نارىقتاردىڭ ءبىرى سانالادى، سەبەبى كومپانيانىڭ الەمدىك جەتكىزىلىمدەرىنىڭ شامامەن %30 ى وسى ەلگە تيەسىلى.

Volkswagen وكىلى (Reuters اگەنتتىگى ارقىلى) «نانكيندەگى SVW زاۋىتى ءوندىرىستى توقتاتتى» جانە ول بيىلعى جىلدىڭ ەكىنشى جارتىسىندا جابىلادى دەپ راستادى.

وكىلدىڭ ايتۋىنشا، SAIC VOLKSWAGEN-نىڭ كوپتەگەن وندىرىستىك الاڭ قازىرگى ۋاقىتتا ەلەكتر كولىكتەرىن شىعارۋ ءۇشىن قايتا جابدىقتالۋدا نەمەسە قايتا جابدىقتالىپ قويعان.

2025 -جىلدىڭ ءبىرىنشى جارتىسىندا SAIC Volkswagen 523 مىڭ اۆتوكولىك ساتقان، بۇل وتكەن جىلمەن سالىستىرعاندا %2,3 عا ارتىق. قازىر كومپانيا جاڭا ەلەكتر كولىكتەرىن، ونىڭ ىشىندە ID.4X Smart Edition, 2025 ID.3 Smart Edition جانە ID.3 GTX ۇلگىلەرىن شىعارىپ جاتىر.

جىل سوڭىنا قاراي SAIC VW جاڭا جەتىلدىرىلگەن تسيفرلىق پلاتفورما نەگىزىندەگى العاشقى ەلەكتر كولىگى - Audi E5 Sportback مودەلىن تانىستىرماق. بۇل كولىك تولىق قۋاتپەن 770 شاقىرىمعا دەيىن جۇرە الادى.

ەلەكتروموبيلدەرگە كوشۋ ۇردىسىنە قاراماستان، برەند «جانارماي مەن ەلەكتر ەنەرگياسىن قاتار دامىتۋ» ساياساتىن جالعاستىراتىنىن مالىمدەدى. كومپانيا Passat, Lavida, Tiguan جانە T-Roc سەكىلدى بەنزينمەن جۇرەتىن كولىكتەردى شىعارۋدى توقتاتپايدى.

Volkswagen كومپانياسى 2026 -جىلدى «جاڭا ەنەرگەتيكالىق كولىكتەر (NEV) مەن ينتەللەكتۋالدى كولىك قۇرالدارىن» شىعارۋعا ارنالعان ەرەكشە جىل دەپ جاريالادى. 2030 -جىلعا قاراي SAIC Volkswagen 20-دان استام جاڭا كولىك ءتۇرىن، سونىڭ ىشىندە جول تالعامايتىن ەلەكتر كولىكتەرى (EV) مەن قوسارلانعان گيبريدتەردى (PHEV) شىعارۋدى جوسپارلاپ وتىر.