فۋتبولدان قازاقستان ايەلدەر قۇراماسى قىرعىزستان كومانداسىمەن ەكى رەت كەزدەسەدى

استانا. KAZINFORM - فۋتبولدان قازاقستان ايەلدەر قۇراماسى مامىر ايىندا قىرعىزستانمەن ەكى جولداستىق كەزدەسۋ وتكىزەدى.

قازاقستاندىق فۋتبولشىلار اتالعان قارسىلاسىمەن الماتى قالاسىندا 25 جانە 28-مامىر كۇندەرى وينايدى. باستالۋى قازاقستان ۋاقىتىمەن 15:00 گە بەلگىلەنگەن.

ويىندار «QazSport» تەلەارناسى مەن KFF YouTube-ارناسى ارقىلى تىكەلەي ەفيردە كورسەتىلەدى.

23-مامىر كۇنى قازاقستان ۇلتتىق قۇراماسى الماتىداعى «قايرات» ف ك بازاسىندا وقۋ-جاتتىعۋ جيىنىن باستايدى.

ەل قۇراماسى ۇلتتار ليگاسى س ديۆيزيونى ءۇشىنشى توبىندا سىنعا ءتۇسىپ جاتىر. قارسىلاستارى - ارمەنيا، ليۋكسەمبۋرگ جانە ليحتەنشتەين.

العاشقى ەكى ويىندا قازاقستاندىق فۋتبولشىلار ارمەنياعا 0:2 ەسەبىمەن جەڭىلسە، ودان كەيىن ليۋكسەمبۋرگپەن 2:2 ەسەبىمەن تەڭ ءتۇستى. ال ءۇشىنشى تۋردا ليحتەنشتەيندى 4:0 ەسەبىمەن تىزە بۇكتىرسە، ءتورتىنشى تۋردا 3:2 ەسەبىمەن باسىم ءتۇستى.

ايتا كەتسەك، قازاقستان ايەلدەر قۇراماسى ۋەفا ۇلتتار ليگاسى اياسىندا شەشۋشى ەكى ويىنىن وتكىزەدى. الدىمەن 30-مامىردا قازاقستان قۇراماسى ليحتەنشتەيندى قابىلداسا، اراعا ءۇش كۇن سالىپ ليۋكسەمبۋرگپەن كەزدەسەدى.