فۋتبولدان «اقتوبە» - «جەتىسۋ» ماتچى كورەرمەنسىز وتەدى

ەرتەڭ فۋتبولدان «اقتوبە» مەن «جەتىسۋ» كلۋبتارىنىڭ كەزدەسۋى وتەدى. ازا تۇتۋ كۇنىنە بايلانىستى ستاديوندا كورەرمەن بولمايدى، دەپ حابارلايدى Kazinform.

«اقتوبە» فۋتبول كلۋبىنىڭ باسپا ءسوز قىزمەتى قازاقستان كاسىپقوي فۋتبول ليگاسىنىڭ شەشىمىن جاريالادى. جالپى ۇلتتىق ازا تۇتۋ كۇنىنە بايلانىستى «اقتوبە» - «جەتىسۋ» ماتچىنا كورەرمەن كىرگىزىلمەيدى.

«پرەمەر- ليگا كلۋبتارى اراسىنداعى ق ر چەمپيوناتىندا 26-تۋردىڭ بارلىق ماتچى كورەرمەنسىز وتەدى جانە ق ك ف ل ءان ۇرانى ورىندالمايدى، مەملەكەتتىك بايراق تۋتۇعىردىڭ ورتاسىنا دەيىن تۇسىرىلەدى. ماتچتار باستالماس بۇرىن كوستەنكو اتىنداعى شاحتادا بولعان اپاتتان قازا تاپقانداردى ءبىر مينۋت ۇنسىزدىكپەن ەسكە الۋ ۇيىمداستىرىلادى. سونداي- اق بارلىق جوسپارلانعان ءىس- شارا (ماراپاتتاۋ راسىمدەرى، ۇتىس ويىندارى) وتكىزىلمەيدى. «اقتوبە» فۋتبول كلۋبى Ticketon.kz پلاتفورماسىندا ساتىلعان بيلەت قۇنى تولىعىمەن كەرى قايتارىلاتىنىن حابارلايدى»، - دەدى باسپا ءسوز قىزمەتىنىڭ جەتەكشىسى اسەت جومارت.

ەسكە سالايىق، بۇگىن تۇندە قاراعاندى وبلىسىنداعى كوستەنكو اتىنداعى شاحتادا ءورت بولدى. ساعات 17.33 تەگى مالىمەت بويىنشا 33 كەنشىنىڭ دەنەسى تابىلدى,13 ادام ىزدەستىرىلىپ جاتىر.

كەشقۇرىم بريفينگ وتكىزگەن توتەنشە جاعدايلار ءمينيسترى سىرىم ءشارىپحانوۆ جەر استىندا قالعان كەنشىلەردى ءتىرى تابۋعا ءۇمىت وتە از ەكەنىن ءمالىم ەتتى.

كاسىبي اسكەريلەندىرىلگەن اپاتتىق- قۇتقارۋ قىزمەتتەرىنىڭ رەسپۋبليكالىق ورتالىق شتابى قاراعاندى فيليالى ديرەكتورىنىڭ ورىنباسارى جۇمات وكەنوۆ مەرت بولعان كەنشىلەردىڭ جەكە باسىن انىقتاۋ قيىنعا ءتۇسىپ جاتقانىن ايتتى.

پرەزيدەنت 29-قازاندى جالپى ۇلتتىق ازا تۇتۋ كۇنى ەتىپ جاريالايتىن وكىمگە قول قويدى.