فريدريح مەرتس ۋكراينامەن ىنتىماقتاستىق جوسپارىن جاريالادى
استانا. KAZINFORM - بۇگىن بەرلين قالاسىندا گەرمانيا كانتسلەرى فريدريح مەرتس پەن ۋكراينا پرەزيدەنتى ۆلاديمير زەلەنسكيدىڭ كەزدەسۋى ءوتتى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
نەمىس ب ا ق- تارىنىڭ مالىمەتىنشە، جاڭا كانسلەر گەرمانيانىڭ ۋكرايناعا اسكەري جانە ەكونوميكالىق سالادا قولداۋىن كەڭەيتۋگە نيەتتى ەكەنىن راستادى.
مەرتستىڭ اتاپ وتكەندەي، كەلىسسوزدەر بارىسىندا تاراپتار قورعانىس مينيسترلەرى قول قوياتىن بىرلەسكەن دەكلاراتسيادان باستالاتىن «جاڭا فورماتتاعى اسكەري- ونەركاسىپتىك ىنتىماقتاستىقتى» تالقىلادى.
ۆلاديمير زەلەنسكي كيەۆكە كەلگەنى ءۇشىن فريدريح مەرسكە العىس ايتىپ، گەرمانياعا اسكەري كومەگى ءۇشىن ريزاشىلىعىن ءبىلدىردى. سونىمەن قاتار ول گەرمانيا بيزنەس وكىلدەرىن ۋكراينانى قالپىنا كەلتىرۋ پروتسەسىنە بەلسەندى قاتىسۋعا شاقىردى.
فريدريح مەرتس ءوز كەزەگىندە ۋكراينامەن ىنتىماقتاستىقتىڭ بەس تارماقتان تۇراتىن جوسپارىن ۇسىندى. نەگىزگى باعىتتار قاتارىندا - بيىلعى جىلدىڭ سوڭىنان باستاپ بەرلين مەن كيەۆ اراسىنداعى ۇكىمەتارالىق تۇراقتى كونسۋلتاتسيالاردى ىسكە قوسۋ، ەكونوميكالىق ارىپتەستىكتى تەرەڭدەتۋ جانە ا ق ش- تىڭ قاتىسۋىمەن ءبىتىم يدەياسىن ىلگەرىلەتۋ ماسەلەسى دە بار.
