فرانسياداعى رەسەي كونسۋلدىعى جانىندا جارىلىس بولدى

استانا. KAZINFORM - فرانسيانىڭ مارسەل قالاسىنداعى رەسەي باس كونسۋلدىعىنىڭ جانىندا جارىلىس بولدى. الدىن الا مالىمەت بويىنشا، زارداپ شەككەندەر جوق، دەپ حابارلايدى ت ا س س اقپارات اگەنتتىگى.

BFMTV ارناسىنىڭ حابارلاۋىنشا، جارىلىس جەرگىلىكتى ۋاقىت بويىنشا ساعات 08:00 شاماسىندا بولعان. وقيعا ورنىنا ءورت ءسوندىرۋ جانە ورتتەن قۇتقارۋ قىزمەتىنىڭ 30 عا جۋىق قىزمەتكەرى كەلدى.

Valeurs Actuelles جۋرنالىنىڭ ءتىلشىسى ءوز كەزەگىندە بەلگىسىز بىرەۋلەر كونسۋلدىق اۋماعىنداعى باقشاعا تۇتاندىرعىش قوسپاسى بار ەكى ىدىستى لاقتىرىپ جىبەرگەنىن ناقتىلادى. وقيعا ورنىنان ۇرلانعان كولىك انىقتالدى.

الدىن الا مالىمەت بويىنشا، ماسەلە تەك ماتەريالدىق شىعىن تۋرالى بولىپ وتىر.

بۇعان دەيىن ماسكەۋدەگى «الە پارۋسا» تۇرعىن ءۇي كەشەنىندە جارىلىستان ءبىر ادام قازا تاپقانىن جازعان بولاتىنبىز.