فرانسيادا تۇرمەلەرگە شابۋىل جاساعان 25 ادام ۇستالدى
استانا. KAZINFORM - سوڭعى ەكى اپتا ىشىندە فرانسيادا تۇرمەلەر مەن تۇرمە قىزمەتكەرلەرىنە جاسالعان شابۋىلدارعا بايلانىستى 25 ادام ۇستالدى.
بۇل ادامدار فرانسياداعى تۇرمەلەرگە جانە ولاردىڭ قىزمەتكەرلەرىنە ءساۋىر ايىنىڭ ورتاسىنان بەرى جاسالعان شابۋىلدارعا بايلانىستى ۇلتتىق تەرروريزمگە قارسى پروكۋراتۋرانىڭ تەرگەۋى اياسىندا ۇستالعان، دەپ جازادى انادولى جەرگىلىكتى ب ا ق كوزدەرىنە سىلتەمە جاساپ.
فرانسيانىڭ ادىلەت ءمينيسترى جەرالد دارمانەن الەۋمەتتىك جەلىدەگى X پاراقشاسىندا قۇقىق قورعاۋ جانە سوت ورگاندارىنا كۇدىكتىلەردى ۇستاعاندارى ءۇشىن العىس ءبىلدىردى.
14-16-ساۋىردە جانە 21-ساۋىردە تۋلون، مارسەل جانە ليۋين قالالارىنداعى تۇرمەلەرگە شابۋىل جاسالىپ، سوعان قاتىستى تەرگەۋ باستالعان ەدى.
مينيستر تۇرمەلەرگە شابۋىلداردى تەرروريزم اكتىلەرى دەپ اتادى.
ايتا كەتەيىك، بۇعان دەيىن فرانسيا مەشىتىندەگى كىسى ولىمىنە كۇدىكتى يتاليا پوليتسياسىنا ءوزى بەرىلگەنىن جازدىق.
