فرانسيادا تۇرمە اكىمشىلىگى قاتەلىسىپ قاۋىپتى قىلمىسكەردى بوساتىپ جىبەرگەن
استانا. KAZINFORM - فرانسيادا تۇرمە اكىمشىلىگى وزدەرى قاتەلەسىپ بوساتىپ جىبەرگەن قىلمىسكەردى ءبىر اپتاعا جۋىق ۋاقىت بويى ىزدەپ جاتىر.
بۇل تۋرالى بوردو قالالىق پروكۋراتۋراسىنىڭ (فرانسيانىڭ وڭتۇستىك- باتىسىنداعى پورت قالاسى — رەد. ) اقپاراتىنا سىلتەمە جاساپ Figaro گازەتى حابارلادى، دەپ جازادى Report.
قولدا بار اقپاراتقا سايكەس، اسا قاۋىپتى زورلىق- زومبىلىق قىلمىسى ءۇشىن 11 جىلدىق جازاسىن وتەپ جاتقان 25 جاستاعى ەر ادام فرانسيادان ماروككوعا دەپورتاتسيالانۋى ءتيىس باسقا تۇتقىننىڭ ورنىنا گرادينان كوممۋناسىنىڭ تۇرمەسىنەن بوساتىلعان. تۇرمە اكىمشىلىگى تۇتقىنداردىڭ ۇقساس ەسىمدەرىن شاتاستىردى.
قازىر قۇزىرلى ورگاندار وقيعانىڭ ءمان- جايىن انىقتاپ جاتىر. قىلمىسكەرگە ىزدەۋگە جاريالاندى، ونى قاماۋعا الۋ تۋرالى ەۋروپالىق وردەر بەرىلدى، بۇل ە و- نىڭ بارلىق ەلدەرىندە جارامدى.
ەسكە سالا كەتەيىك، فرانسيادا تۇرمەلەرگە شابۋىل جاساعان 25 ادام ۇستالعانى جايلى جازعان ەدىك.
