فرانسيادا 2 جويعىش ۇشاق سوقتىعىستى
پاريج. KAZINFORM - فرانسيانىڭ سولتۇستىك-شىعىسىندا Dassault Rafale ەكى جويعىش ۇشاعى سوقتىعىسىپ، ەكى اسكەري ۇشقىش قازا تاپتى. بۇل تۋرالى ەلدىڭ قورعانىس مينيسترلىگىنە سىلتەمە جاساپ «Sky News» حابارلادى.
وقيعا اسكەري ۇشاقتار كولومبە-لە-بەل قالاسىنىڭ ماڭىنداعى ۆوسگەس ايماعىندا وقۋ-جاتتىعۋ ميسسياسىن ورىنداپ جاتقان كەزدە بولعان.
ەكىنشى ۇشاقتاعى ۇشقىش كاتاپۋلت كومەگىمەن ۇشاقتان شىعىپ ۇلگەرگەن. ءبىراز ۋاقىتتان كەيىن ول جەڭىل جاراقاتپەن ءتىرى تابىلدى. پوليتسيا اپاتتا قازا تاپقان ۇشقىشتاردى تابۋ ءۇشىن ورمان القابىن ساعات بويى ىزدەستىرگەن.
ەل پرەزيدەنتى ەممانۋەل ماكرون ءوزىنىڭ X پاراقشاسىندا قازا تاپقانداردىڭ اتى-ءجونى: قارۋلى كۇشتەر قاتارىندا ۇزاق ۋاقىت قىزمەت ەتكەن كاپيتان سەباستيان مابير مەن لەيتەنانت ماتيس لوۋرەنس ەكەنىن مالىمدەپ، ولاردىڭ وتباسىلارى مەن باۋىرلارىنا كوڭىل ايتتى.
قورعانىس مينيسترلىگى وكىلدەرىنىڭ ايتۋىنشا، قازىر وقيعانىڭ سەبەپتەرىن انىقتاۋ تەرگەۋ امالدارى جۇرگىزىلۋدە.
