فرانسيا تۇسىك جاساتۋ قۇقىعىن كونستيتۋتسيامەن بەكىتكەن الەمدەگى تۇڭعىش ەل اتاندى

استانا. KAZINFORM - فرانسيا ءوز كونستيتۋتسياسىندا تۇسىك جاساتۋ قۇقىعىن بەكىتكەن الەمدەگى ءبىرىنشى ەل بولدى. بۇعان دەيىن بۇل ۇسىنىستى ەلدىڭ سەناتى مەن ۇلتتىق جينالىسى ماقۇلداعان بولاتىن.

4-ناۋرىزدا فرانسيا پارلامەنتىنىڭ قوس پالاتاسى ۆەرسال سارايىندا بىرلەسكەن ءماجىلىس وتكىزىپ، اقىرى نەگىزگى زاڭعا ەنگىزىلگەن تۇزەتۋدى ماقۇلدادى.

قابىلدانعان وزگەرىستەردى دەپۋتاتتار دۋ قول شاپالاقپەن قولدادى.

فرانسيا پرەزيدەنتى ەممانۋەل ماكرون بۇل شەشىمدى ۇلتتىق ماقتانىش جانە بۇكىل الەمگە دابىل رەتىندە باعالادى.

وسى وقيعاعا بايلانىستى ەلدە 8-ناۋرىز حالىقارالىق ايەلدەر كۇنى مەرەكەسىنە وراي ارنايى سالتاناتتى ءىس-شارا وتكىزۋ جوسپارلانىپ وتىر.

فرانسيا پرەمەر- ءمينيسترى گابريەل اتتال وزگەرىستەردى «تاريحتا قالاتىن ىرگەلى قادام» دەپ اتادى.

قوعامدىق ساۋالنامالار ەل تۇرعىندارىنىڭ باسىم بولىگى كونستيتۋتسيالىق تۇزەتۋدى قولدايتىنىن كورسەتكەن.