FIFA رەيتينگى: قازاقستان قۇراماسى جىلدى 100-ورىنمەن قورىتىندىلادى

حالىقارالىق فۋتبول قاۋىمداستىقتارى وداعىنىڭ (FIFA) جاڭارعان رەيتينگى جاريالاندى. قازاقستان ۇلتتىق قۇراماسى جىلدى 100 ورىنمەن قورىتىندىلادى.

ماگومەد اديەۆ جاتتىقتىراتىن ۇلتتىق قۇراما وتكەن ايدا دا 100-ورىندا بولعان. جاڭارعان رەيتينگتە دە ءوز ورنىندا قالعان. العاشقى وندىقتا دا وزگەرىستەر جوق.

قازاقستان قۇراماسى قاراشا ايىندا ەكى ويىن وتكىزدى. 2024-جىلعى ەۋروپا چەمپيوناتىنا ىرىكتەۋ كەزەڭى اياسىندا سان-مارينونى 3:1 ەسەبىمەن ۇتسا، سىرت الاڭدا سلوۆەنياعا 2:1 ەسەبىمەن جول بەردى.

FIFA رەيتينگى:

1 (1). ارگەنتينا - 1855.2؛

2 (2). فرانسيا - 1845.44؛

3 (3). انگليا - 1800.05؛

4 (4). بەلگيا - 1798.46؛

5 (5). برازيليا - 1784.09؛

6 (6). نيدەرلاندى - 1745.48؛

7 (7). پورتۋگاليا - 1745.06؛

8 (8). يسپانيا - 1732.64؛

9 (9). يتاليا - 1718.82؛

10 (10). حورۆاتيا - 1717.57؛

...100 (100). قازاقستان - 1215.16.

ايتا كەتەيىك، قازاقستان ۇلتتىق قۇراماسى ەۋروپا چەمپيوناتىنا تىكەلەي جولداما الا المادى. ناۋرىز ايىندا ۇلتتار ليگاسى نەگىزىندە قوسىمشا جولداماعا تالاسادى. 21- ناۋرىز كۇنى گرەكيا قۇراماسىنا قارسى وينايدى. ەگەر ۇتاتىن بولسا، 26- ناۋرىزدا ليۋكسەمبۋرگ جانە گرۋزيا قۇرامالارى اراسىنداعى ويىننىڭ جەڭىمپازىمەن كەزدەسەدى.