ەلدەن كەتكەن اۋعانستان پرەزيدەنتى Facebook جەلىسىندە ۇندەۋ جولدادى
بۇل تۋرالى قازاقپارات bbc- گە سىلتەمە جاساپ حابارلايدى.
«بۇگىن مەن قيىن تاڭداۋ جاسادىم. ول سارايعا باسىپ كىرۋگە ۇمتىلعان قارۋلى تالىپتەرمەن بەتپە -بەت كەزدەسۋ، نەمەسە سوڭعى 20 جىلىمدى قورعاۋعا ارناعان تاماشا ەلىمدى تاستاپ كەتۋ»، - دەپ جازادى پرەزيدەنت.
گانيدىڭ پايىمداۋىنشا، ەگەر ول اۋعانستاندى تاستاپ كەتپەسە، تالىپتەر كابۋلعا شابۋىل جاسار ەدى. بۇل بەيبىت تۇرعىنداردىڭ قان توگۋىنە سوقتىرادى. مەملەكەت باسشىسىنىڭ ايتۋىنشا، تالىپتەر قىلىش پەن قارۋ - جاراق شايقاسىندا جەڭىسكە جەتتى جانە ەندى ءوز وتانداستارىنىڭ نامىسى مەن بايلىعىن قورعاۋعا تولىق جاۋاپكەرشىلىكتى الادى.
«ءبىراق ولار جۇرەكتەردى جاۋلاي المادى جانە زاڭدى بولا المادى. تاريحتا بۇرىن-سوڭدى ەشكىمگە زاڭدىلىقتى بەرگەن ءبىر بيلىك بولعان ەمەس. ولارعا دا بەرمەس»، - دەپ جازدى عاني. بۇدان بۇرىن حابارلانعانداي، «تاليبان» وكىلدەرى اۋعانستان استاناسى كابۋلعا شابۋىل جاسادى.
ەسكە سالساق، بۇعان دەيىن مەملەكەت باسشىسى قاسىم-جومارت توقايەۆ اۋعانستانداعى جاعداي بويىنشا كۇشتىك قۇرىلىمداردىڭ باسشىلارىمەن جيىن وتكىزگەنى تۋرالى حابارلاندى.
«تاليبان» قوزعالىسىنىڭ سودىرلارى اۋعانستاننىڭ ماڭىزدى ءارى ءىرى قالالارىن باسىپ الدى. حالىقارالىق ۇيىمدار دابىل قاعىپ اۋعانستاندا سوڭعى 72 ساعاتتا ونداعان بالا قازا تاپقانىن جاريالادى. سونداي-اق، ق ر ديپلوماتيالىق ميسسياسى كابۋلدا شەكتەۋلى قۇرامدا جۇمىسىن جالعاستىرۋدا.
