شۆەيساريالىق عالىمدار سيىر ەتىنىڭ بالاماسىن جاساپ شىعاردى
استانا. KAZINFORM - شۆەيساريا زەرتحانالارىنىڭ بىرىندە جاساندى سيىر ەتى ءوسىرىلدى، دەپ ءازارتادج اگەنتتىگى حابارلادى.
ءازارتادج شەتەلدىك ب ا ق- قا سىلتەمە جاساي وتىرىپ حابارلاعانداي، عالىمدار ناعىز سيىر ەتىنە ۇقساس بۇلشىقەت تىندەرىن سينتەزدەۋگە قول جەتكىزگەن. الايدا، مۇنداي ءونىمنىڭ نارىققا شىعۋىنا ءالى ەرتە.
نەگىزگى قيىندىق - قاجەتتى قاسيەتتەرگە يە بۇلشىقەت قۇرىلىمىن جەتكىلىكتى مولشەردە ءوندىرۋدىڭ قيىندىعى. كوپ جاعدايدا سينتەزدەلگەن تالشىقتار تىم جىڭىشكە ءارى ءتيىستى فۋنكسيونالدىق قاسيەتتەرى جوق ەكەنى ايتىلعان.
ايتا كەتەيىك، سينگاپۋردا جاساندى تاۋىق ەتى قازىردىڭ وزىندە نارىقتا ۇسىنىلعان، ءبىراق سيىر ەتىنە قاتىستى جاعداي الدەقايدا كۇردەلى. دەگەنمەن، شۆەيتساريالىق عالىمداردىڭ جەتىستىگى بۇل تەحنولوگيانى دامىتۋعا ۇلكەن مۇمكىندىك بەرەدى دەپ كۇتىلىپ وتىر.
2015 -جىلى گوللانديانىڭ مااستريحت ۋنيۆەرسيتەتىنىڭ ماماندارى الداعى ۋاقىتتا، شامامەن 2020 -جىلعا قاراي ادامزات جاساندى جولمەن وسىرىلگەن مال ەتىن جەۋگە كوشۋى مۇمكىن ەكەندىگىن ايتقان ەدى.
