شينجاڭدا ورازا ايتقا 1 كۇن دەمالىس جانە اۆتوكولىكتەرگە جەڭىلدىك بەرىلەدى
استانا. KAZINFORM - شينجاڭدا كەلەسى سارسەنبى كۇنى ورازا ايتقا 1 كۇن دەمالىس بەرىلەدى جانە جەڭىل اۆتوكولىكتەر اقىلى جولدارداعى تولەمنەن بوساتىلادى، دەپ حابارلايدى قىتايدىڭ «ورتالىق حالىق راديوسى»
اتالعان ب ا ق-تىڭ كەلتىرگەن دەرەكتەرىنە سۇيەنسەك، ق ح ر شينجاڭ ۇيعىر اۆتونوميالى ولكەلىك حالىق ۇكىمەتى كەڭسەسىنىڭ 2024 -جىلعى مەرەكەلىك دەمالىس كۇندەرىن ورنالاستىرۋى بويىنشا، 10-ءساۋىر كۇنى ورازا ايتقا 1 كۇن دەمالىس بەرىلمەك. سونىمەن قاتار 10-ءساۋىر كۇنى ساعات 00:00-دەن 24:00-گە دەيىن ولكە ىشىندە اقىلى جولداردا 7 جانە ودان از ورىندىق اۆتوكولىكتەر تەگىن جۇرە الادى.
ايتا كەتسەك، قاسيەتتى رامازان ايى 11-ناۋرىزدا باستالدى. ورازا ايت 10-ساۋىرگە كەلىپ تۇر.
ورازا ايت مەرەكەسىندە قازاقستانعا ساياحاتتاعىسى كەلەتىندەردىڭ اراسىندا ب ا ءا تۋريستەرى كوبىرەك نيەت تانىتقان.
ال بۇگىن - كۇللى مۇسىلمان حالقى اسىعا كۇتەتىن قاسيەتتى قادىر ءتۇنى.
اۆتور
بەيسەن سۇلتان ۇلى
