شىنجاڭ ارقىلى قازاقستان مەن گونكونگ اراسىنداعى ىنتىماقتاستىقتى ىلگەرىلەتۋگە دايىنبىز - جۇمانعارين

Серік Жұманғарин
Фото: ҚР Үкіметі

استانا. KAZINFORM - شىنجاڭنىڭ كومەگىمەن قازاقستان مەن قىتاي اراسىنداعى ينۆەستيتسيالىق ىنتىماقتاستىقتىڭ جاڭا باعىتىن 25-ماۋسىم كۇنى ءۇرىمجى قالاسىندا وتكەن ەكىجاقتى كەزدەسۋدە ش ۇ ا ا پارتيا كوميتەتىنىڭ حاتشىسى ما شيڭرۇي قازاقستان رەسپۋبليكاسىنىڭ ۆيتسە-پرەمەرى سەرىك جۇمانعارينگە ۇسىندى.

بۇل تۋرالى ق ر ۇكىمەتىنىڭ باسپا ءسوز قىزمەتى ءمالىم ەتتى.

ما شيڭرۇي اتاپ وتكەندەي، ەكى جىل بويى ش ۇ ا ا مەن قازاقستان باسشىلارىنىڭ بىرنەشە رەت ءوزارا ساپارى بارلىق باعىتتاعى ەكىجاقتى قارىم-قاتىناستىڭ تىعىز ىنتىماقتاستىعى مەن وڭ ديناميكاسىن كورسەتەدى.

Серік Жұманғарин
Фото: ҚР Үкіметі

«ۇرىمجىدەگى «قازاقستان-قىتاي» ايماق ارالىق ىنتىماقتاستىعىنىڭ الداعى ءۇشىنشى فورۋمى - بۇل ءوزارا ءىس- قيمىلدىڭ جاڭا داۋىرىنە ەنگەن تىعىز دوستىق قارىم-قاتىناسىمىزدىڭ ماڭىزدى ناتيجەسى. ءوزارا قارىم-قاتىناسىمىزدىڭ جاڭا كەزەڭىندە ءبىز شىنجاڭ ارقىلى قازاقستان مەن گونكونگ اراسىنداعى ىنتىماقتاستىقتى ىلگەرىلەتۋگە دايىنبىز. گونكونگ پەن ماكاودان قازاقستانعا ينۆەستيتسيا سالۋعا دايىن ءىرى كاسىپورىندارمەن ىنتىماقتاستىقتى قاراستىرۋدى ۇسىنامىز. بۇل قازىر قىزمەتتى ترانسفورماتسيالاۋ ساتىسىندا تۇرعان جانە قازاقستانمەن ىنتىماقتاستىققا ۇلكەن قىزىعۋشىلىق تانىتاتىن ءىرى كومپانيالار. سونداي-اق ءبىز تۋريزمنىڭ دامۋىنا ىقپال ەتە الامىز. ش ۇ ا ا- عا گونكونگتان كوپتەگەن تۋريست كەلەدى. ولارعا ءبىزدىڭ ورىندار ۇنايدى جانە قازاقستاننىڭ تابيعاتى ۇنايتىنىنا سەنىمدىمىن»، - دەدى ما شيڭرۇي.

Шыңжаң
Фото: ҚР Үкіметі

ءوز كەزەگىندە سەرىك جۇمانعارين ەكىجاقتى قارىم-قاتىناستاردىڭ قارقىندى دامۋىن اتاپ ءوتىپ، قازاقستان مەن ش ۇ ا ا ءۇشىن 2023 -جىل ءوزارا كەلىسىمشارتتار جىلى عانا ەمەس، سونىمەن قاتار ق ح ر ەلىمىزدىڭ ەڭ ءىرى ساۋدا سەرىكتەسى بولعان جىل بولعانىن اتاپ ءوتتى.

«ش ۇ ا ا - قازاقستاننىڭ قىتايداعى نەگىزگى سەرىكتەسى، ونىڭ ۇلەسىنە قازاق-قىتاي تاۋار اينالىمىنىڭ جارتىسىنا جۋىعى تيەسىلى. ءوڭىرارالىق ىنتىماقتاستىقتى ءىس جۇزىندە كەڭەيتۋ ايتارلىقتاي ءوسۋ الەۋەتىنە يە. ەڭ پەرسپەكتيۆالى باعىتتار: كولىك جانە لوگيستيكا، اۋىل شارۋاشىلىعى، ينۆەستيتسيالىق ىنتىماقتاستىق، ساۋدا كەدەرگىلەرىن جويۋ جانە قولايلى ساۋدا رەجيمىن جەتىلدىرۋ، تۋريزم»، - دەپ اتاپ ءوتتى سەرىك جۇمانعارين.

Серік Жұманғарин
Фото: ҚР Үкіметі

كەزدەسۋ بارىسىندا تاراپتار تۋريزم، تەمىر جولداردى دامىتۋ، جاڭا شەكارا وتكەلدەرىن سالۋ، اۋىل شارۋاشىلىعى ونىمدەرىن جەتكىزۋ كولەمىن ۇلعايتۋ سالالارىنداعى ىنتىماقتاستىقتى كەڭەيتۋ مۇمكىندىگىن تالقىلادى. اتاپ ايتقاندا، سەرىك جۇمانعارين قازاقستان سيىر ەتىنىڭ ەكسپورتىن 500 مىڭ تونناعا دەيىن ارتتىرۋعا دايىن ەكەنىن مالىمدەدى. سونىمەن قاتار ول قىتايعا مال شارۋاشىلىعى ونىمدەرىن، قوسالقى ونىمدەر مەن قۇس ەتى تولىق ەكسپورتىنىڭ باستالۋىنا كەرى اسەر ەتەتىن كەدەرگىلەردى اتاپ ءوتتى.

سونداي-اق ۆيتسە-پرەمەر ۇكىمەتتىك دەڭگەيدە «ازىق-تۇلىك كورپوراتسياسى» مەن ق ح ر- دىڭ جۇمىس ىستەپ تۇرعان مەملەكەتتىك كومپانيالارى اراسىندا 3 ميلليون تونناعا دەيىن استىق پەن مايلى داقىلداردى جەتكىزۋگە كەلىسىمشارتقا قول قويۋدى ۇسىندى.

26-ماۋسىمدا ءۇرىمجى قالاسىندا (ق ح ر ش ۇ ا ا) «قازاقستان - قىتاي» ءوڭىرارالىق ىنتىماقتاستىقتىڭ ءۇشىنشى فورۋمى وتەدى. فورۋم قازاقستان مەن قىتاي وڭىرلەرى اراسىنداعى ساۋدا- ەكونوميكا، كولىك، ينۆەستيتسيا جانە مادەني- گۋمانيتارلىق ىنتىماقتاستىقتىڭ وزەكتى ماسەلەلەرى بويىنشا ديالوگ الاڭى.

قازاقستان تاراپىنان ۇيلەستىرۋشى مەملەكەتتىك ورگان – ق ر ساۋدا جانە ينتەگراتسيا مينيسترلىگى، قىتاي تاراپىنان – ق ح ر كوممەرتسيا مينيسترلىگى.

2023 -جىلى ق ر مەن ق ح ر اراسىنداعى ەكىجاقتى ساۋدا كولەمى $31,5 ميلليارد (%30,1) جەتتى، ق ر ەكسپورتىن قوسقاندا - $14,7 ميلليارد (%12,6). 2024 -جىلدىڭ قاڭتار- ءساۋىر ايلارىندا تاۋار اينالىمى $9 ميلليارد قۇرادى، بۇل وتكەن جىلدىڭ سايكەس كەزەڭىمەن سالىستىرعاندا %10,3- عا جوعارى.

اۆتور

باقىتگۇل اباي قىزى

سوڭعى جاڭالىقتار