شىمكەنتتىكتەر جۇك كولىگىندە اۋىزاشار بەردى
شىمكەنت. KAZINFORM - ەرەكشە اۋىزاشارعا كەلىپ، ءدام تاتۋشىلار كوپ بولدى.
قاراتاۋ مولتەك اۋدانىنا قاراستى تۇران-2 ىقشام اۋدانىندا ورنالاسقان № 51 ءۇيدىڭ تۇرعىندارى جينالىپ، اۋىزاشار جاسادى. ساۋابى مول بۇل جيىن جۇك كولىگىندە ءوتتى. ءبىر وتىرعاندا 70 ادام داستارحاندا باس قوسىپ، اۋىزاشار اسىنان ءدام تاتتى. كوپ قاباتتى تۇرعىن ۇيدەگى كورشىلەردىڭ ىنتىماعىنىڭ ارقاسىندا جۇزەگە اسقان يگى ىسكە كوپشىلىك تاڭدانىسپەن قاراپ، ريزاشىلىقتارىن ءبىلدىردى.
«جالپى بارشامىزدىڭ كوشىپ كەلگەنىمىزگە 2 جىل بولدى. سودان بەرى جىل سايىن اۋىزاشار بەرىپ، ناۋرىزدى اتاپ وتەمىز. ىدىس- اياقتى اركىم ۇيىنەن الىپ شىعادى. ال، ورتادان اقشا جيناپ العان قازان وشاعىمىز بار. جيىن تويلاردى سونى پايدالانامىز. بىزگە تويحانا، كافەنىڭ قاجەتى جوق. كورشىمىز ەرجاننىڭ جۇك كولىگىن اشىپ، سوندا داستارحان جايامىز. كوپ بولىپ قولعا العان يگى ءىسىمىز ءبىر بىرىمىزگە دەگەن سىيلاستىقتى، دوستىقتى، ىنتىماقتى ارتتىرارى ءسوزسىز»- دەيدى №51 ءۇيدىڭ تۇرعىنى ماقسات شاعىربايەۆ.
شىمكەنت. KAZINFORM - ەرەكشە اۋىزاشارعا كەلىپ، ءدام تاتۋشىلار كوپ بولدى.
