شىمكەنتتىك پوليتسەيلەردىڭ كولىك ۇرلاعان ەر ادامدى قۋىپ ءجۇرىپ ۇستاعان ۆيدەوسى تارادى
شىمكەنتتىك پوليتسەيلەردىڭ كولىك ۇرلاعان ەر ادامدى قۋالاپ ءجۇرىپ ۇستاعان ۆيدەوسى جاريالاندى، دەپ حابارلايدى قازاقپارات ءتىلشىسى.

قالىڭدىعىمەن كينو كورۋگە كەلگەن شىمكەنتتىكتىڭ Mercedes-Benz Sprinter كولىگىن ماس ەر ادام ايداپ كەتكەن. بۇل تۋرالى ءال-فارابي اۋدانىنىڭ پوليتسەيلەرىنە حابارلانعان.
كولىك ۇرىسىن ۇستاۋعا №766 اۆتوەكيپاج باعىتتالدى. جەدەل باسقارۋ ورتالىعىنىڭ بەينەباقىلاۋ ينسپەكتورلارى پاترۋلدىك پوليتسەيلەرگە ۇرلانعان كولىكتىڭ قوزعالىس باعىتى تۋرالى مالىمەت بەرىپ وتىردى.
ءتارتىپ ساقشىلارىنىڭ توقتاۋ تۋرالى تالاپتارىنا باعىنباعان ەر ادام جاسىرىنۋعا تىرىسىپ، قالا كوشەلەرىمەن قاشقان. دەگەنمەن، ول بىرنەشە مينۋتتان كەيىن قاراتاۋ اۋدانىنداعى كوشەلەردىڭ بىرىندە ۇستالدى.
«مەديتسينالىق كۋالاندىرۋ قورىتىندىسى ەر ادامنىڭ ماس بولعانىن كورسەتتى. وسى قۇقىق بۇزۋشىلىق ءۇشىن ا ق ب ت ك-نىڭ 608-بابىنا سايكەس 7 جىلعا جۇرگىزۋشى كۋالىگىنەن ايىرىلىپ، اكىمشىلىك قاماۋعا الىندى. سونىمەن قاتار، پوليتسيا قىزمەتكەرلەرىنىڭ زاڭدى تالابىن ورىنداماعانى ءۇشىن ءتارتىپ بۇزۋشى ق ر ا ق ب ت ك-نىڭ 613-بابى بويىنشا جاۋاپكەرشىلىككە تارتىلدى»، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
قازىرگى تاڭدا ءال-فارابي اۋداندىق پوليتسيا باسقارماسىنىڭ تەرگەۋشىلەرى بوتەننىڭ كولىگىن زاڭسىز يەمدەنۋ جايتى بويىنشا ق ر قىلمىستىق كودەكسىنىڭ 200-بابى بويىنشا سوتقا دەيىنگى تەرگەۋ امالدارىن جۇرگىزىپ جاتىر.
Посмотреть эту публикацию в Instagram