شىمكەنتتە ەڭ تومەنگى جانە ورتاشا جالاقى قانشا

ورتالىق كوممۋنيكاتسيالار قىزمەتىندە وتكەن بريفينگىدە شىمكەنت اكىمى عابيت سىزدىقبەكوۆكە تۇرعىنداردىڭ تابىسى تۋرالى سۇراق قويىلدى، دەپ حابارلايدى Kazinform.

«شىمكەنت اكىمىنىڭ ايلىعى قالاداعى ەڭ تومەنگى جالاقى الاتىنداردان قانشالىقتى كوپ؟» دەپ سۇرادى ب ا ق وكىلى.

عابيت سىزدىقبەكوۆ شىمكەنتتىكتەردىڭ اراسىنداعى ەڭ تومەنگى ايلىق قانشا ەكەنىن ايتقانىمەن ءوز ەڭبەكاقىسىنىڭ كولەمى تۋرالى جاق اشپادى.

«ايلىعىمنىڭ قانشا ەسە كوپ ەكەنىن بىردەن ايتا المايمىن. شاتاسپاۋ ءۇشىن ساناپ ايتۋ كەرەك شىعار. ءبىراق مەن دە قىزمەتىمدى ەڭ تومەنگى جالاقىدان باستاعام. ول كەزدەسە، شاتاسپاسام، 18 مىڭ تەڭگە ايلىق الاتىنمىن. قالاداعى ورتاشا جالاقى 270355 تەڭگە بولىپ وتىر. مەنىڭ ايلىعىم قانشا ەسە جوعارى ەكەنىن قوسىمشا سىزگە بەرەيىك. ءبىراق قازىر ەڭ تومەنگى جالاقى — 70 مىڭ تەڭگە. ءبىز بيۋجەت ەسەبىنەن قارجىلاندىرىلاتىن مەكەمە جۇمىسشىلارىنىڭ ايلىعىن كەزەڭ-كەزەڭىمەن كوتەرىپ جاتىرمىز. قازىر ونىڭ ىشىندە تومەنگى جالاقى 100 مىڭ تەڭگەدەن باستالادى»، - دەدى شىمكەنت اكىمى.