شىمكەنتتە ماس بولىپ ۇستالىپ، كۋالىگىنەن ايىرىلعان جۇرگىزۋشى ايىپتۇراقتاعى كولىگىن الا قاشتى
شىمكەنت. KAZINFORM - پوليتسيا قىزمەتكەرلەرى جۇرگىزۋشىنى ماس كۇيىندە كولىك باسقارعانى ءۇشىن ۇستاعان.
ايىپتۇراقتان كولىكتى الىپ قاشقان جۇرگىزۋشىنىڭ ارەكەتى ۆيدەوعا ءتۇسىپ قالعان.
كولىككە مىنگەن ول بىردەن قاقپادان شىعىپ، جوعارى جىلدامدىقپەن زىمىراعان. كۇزەتشى ەسىكتى جاۋىپ ۇلگەرمەي قالعان.
شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى جۇرگىزۋشىنىڭ ۇستىنەن قىلمىستىق ءىس قوزعالىپ، تەرگەۋ امالدارى ءجۇرىپ جاتقانىن مالىمدەدى.
ەر ادام سوت سانكسياسىمەن قاماۋدا وتىر.
«پوليتسيا قىزمەتكەرلەرى جۇرگىزۋشىنى ماس كۇيىندە كولىك باسقارعانى ءۇشىن ۇستاعان. سونداي-اق، قۇقىقبۇزۋشىنىڭ 2025 -جىلدىڭ قاراشاسىنا دەيىن كولىك قۇرالدارىن باسقارۋ قۇقىعىنان ايىرىلعانى انىقتالدى. كولىكتى ۋاقىتشا ۇستاۋ يزولياتورىنا قويۋ كەزىندە ەر ادام جاۋاپكەرشىلىكتەن جالتارۋ ءۇشىن قاشىپ كەتپەك بولعان. ءبىراق پوليتسەيلەر دەرەۋ قولعا ءتۇسىردى» دەلىنگەن اقپاراتتا.
