07:37, 31 - قازان 2023 | GMT +6
شىمكەنتتە ەكى ايدا بۇيرەك الماستىرۋ بويىنشا 6 وتا جاسالدى
شىمكەنتتە ەكى ايدا 6 بۇيرەك الماستىرۋ وتاسى جاسالدى، دەپ حابارلايدى Kazinform.
ەڭ كۇردەلى وتا 18-قازاندا جاسالدى. قوس بۇيرەگى ىستەن شىعىپ، اۋىر دەرتكە شالدىققان 39 جاستاعى تۇرعىنعا حيرۋرگيالىق جولمەن تۋعان باۋىرىنىڭ بۇيرەگى سالىندى. قازىر دونور مەن رەتسيپيەنتتىڭ جاعدايى جاقسارىپ، پالاتاعا اۋىستىرىلدى.
«ترانسپلانتاتسيا جوعارى تەحنولوگيالىق وتا تۇرىنە جاتادى. مۇنداي وپەراتسيا بۇيرەك جەتىسپەۋشىلىگىنە شالدىققان ازاماتتاردىڭ ءومىرىن امان الىپ قالۋعا زور مۇمكىندىك بەرەدى. اعزا الماستىرۋ وتاسى مەملەكەت ەسەبىنەن تەگىن جاسالادى. قازىر بارلىق دونور مەن رەتسيپيەنتتەردىڭ جاعدايى جاقسى، دارىگەرلەر باقىلاۋىندا» - دەلىنگەن شىمكەنت قالاسى دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان اقپاراتتا.
