شىمكەنتتە جىلان قاپتادى

 شىمكەنتتە جەكە تۇرعىن ءۇي سەكتورلارىندا جىلان قاپتاپ كەتتى. جۇرتتىڭ ۇرەيىن تۋعىزعان باۋىرىمەن جورعالاۋشىلار، ءتىپتى ءۇي ىشىنە دە باسىپ كىرگەن.

 سوڭعى ايدا جەدەل قۇتقارۋ جاساعىنىڭ كومەگىنە 13 ادام جۇگىنگەن. ماماندار ۋلى شۇبار، وق جىلاندارىن اۋلاعانىن ايتادى. «ولاردىڭ جۇپتاسۋ كەزەڭى مەن، كۇننىڭ ىسۋىنان ءالى دە قوڭىراۋلار كوبەيە تۇسەدى»، - دەيدى.

ماسەلەن بىلتىر كوكتەم، جاز ايلارىندا 286 جىلان ۇستالعان. الايدا ولاردى قالا سىرتىنا شىعارۋمەن عانا شەكتەلەدى. سوندىقتان تابيعاتقا سەرۋەندەۋگە شىققان تۇرعىندارعا اباي بولىپ، جىلانعا جاقىنداماۋعا كەڭەس بەرەدى.

راۋان دۇيسەنبەكوۆ، قالالىق ت ج د جەدەل قۇتقارۋ جاساعى باسشىسىنىڭ ورىنباسارى:

- قۇتقارۋشىنىڭ ءبىرىنشى مىندەتى تۇرعىنداردىڭ قاۋىپسىزدىگى مەن ونىڭ دەنساۋلىعىنا تۇسكەن قاتەرگە كومەك كورسەتۋ. قازىر شىمكەنت قالاسى ۇلكەيىپ كەتتى. كەيىنگى سالىنعان شاعىن اۋدانداردا، سىرت جاقتاردان كوپ شاقىرتۋ تۇسەدى. ءبىر ۇيگە 3-4 مارتە بارعان كەزىمىز بولعان. ارنايى قىزمەتكە، ماماندارعا جۇگىنىپ، قوڭىراۋ شالىپ، كومەك سۇراعان دۇرىس.

 https://24.kz