شىمكەنتتە بيۋدجەت قاراجاتىن جىمقىرىپ، پاتەر ساتىپ العان لاۋازىمدى ادامدار ۇستالدى
شىمكەنت. KAZINFORM - قارجىلىق مونيتورينگ اگەنتتىگى قىلمىستىق جولمەن الىنعان 358 ميلليون تەڭگەدەن استام قاراجاتقا ساتىپ الىنعان جىلجىمايتىن مۇلىكتى مەملەكەت كىرىسىنە تاركىلەدى.
ق م ا شىمكەنت قالاسى بويىنشا دەپارتامەنتى ءوڭىردىڭ لاۋازىمدى تۇلعالارىنا جانە «قۋاتجىلۋورتالىق-3» م ك ك- عا قاتىستى سمەتالىق قۇنىن ارتتىرۋ، سونداي-اق ناقتى ورىندالماعان جۇمىستار ءۇشىن اقى تولەۋ ارقىلى قالاداعى جىلۋ جەلىلەرى مەن ەلەكتر بەرۋ جەلىلەرىنە جوندەۋ جۇرگىزۋگە بولىنگەن 1,1 ميلليارد تەڭگەدەن استام بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋدى اياقتادى.
سونىمەن قاتار، كۇدىكتىلەر لاۋازىمدى ادامدار ۇرلانعان قاراجاتتى جىلىستاتۋ ءۇشىن «قولما-قول اقشا جاساۋشىلار» توبىن تارتتى. ولار %7 مولشەرىندە اقشالاي سىياقى ءۇشىن بوگدە تۇلعالارعا رەسىمدەلگەن 24 كۇماندى كاسىپورىن ارقىلى تاۋارلاردى جەتكىزۋ جانە قىزمەت كورسەتۋ جونىندەگى مامىلەلەر تۋرالى جالعان قۇجاتتار (شوت- فاكتۋرالار، جۇكقۇجاتتار، ورىندالعان جۇمىس اكتىلەرى، شارتتار) ۇسىندى. پاراللەلدى قارجىلىق تەرگەۋ شەڭبەرىندە قىلمىستىق جولمەن الىنعان قاراجاتقا ساتىپ الىنعان جىلجىمايتىن مۇلىكتەر، اتاپ ايتقاندا، شىمكەنت جانە استانا قالالارىنداعى 2 پاتەر، 1 تۇراق ورنى، شىمكەنت قالاسىنداعى 3 جەكە ءۇي جانە بانك شوتتارىنداعى تىيىم سالىنعان 50 ميلليون تەڭگە انىقتالىپ، تاركىلەۋ ماقساتىندا سوت سانكتسياسىمەن تىيىم سالىندى.
سوت ۇكىمىمەن بارلىق جەتى ايىپتالۋشى 2 جىلدان 7,5 جىلعا دەيىن باس بوستاندىعىنان ايىرىلدى.
شىمكەنتتە جەكەمەنشىكتەگى كەيبىر الەۋمەتتىك نىساندار مەملەكەتكە قايتارىلىپ جاتقانىن جازعان بولاتىنبىز.
